Sizcə bir qadına hər cür ictimai həyat zəmanətini hansı peşə, ya da hansı iş təmin edir?

Ev təmizləmək, uşağa baxmaq və yemək hazırlamağın qarşılığında ödənişi ən yüksək səviyyədə olan və qovulma riski olmayan bir işdə çalışırsınız.

Məncə hər psixoloji problemi olmayan hər bir qadın bunu sevə-sevə qəbul edər.

Bundan başqa evdarlıq, ciddiyyətə alınması lazım olan peşədir. Hələ özünə müvafiq bir həyat yoldaşı varsa, evdar qadının kefi lap yüksək olar.

Çətinliyindən danışanlara fikir verməyin. Ev qadınlığı rahat bir işdir. Qadın əslində rahatlıq üçün bu işi seçir.

Qadının rahatlığı sevməsi, yalnız evdar qadınlar üçün deyil, oxuyan qadınlar üçün də etibarlıdır.

İştirak etdiyim bütün seminarlarda diqqətimi çəkən acı həqiqətlərin biri də, əksər qadınların yoldaşlarından  davamlı şikayət etmələridir. Yoldaşından məmnuniyyətlə danışan qadınların sayı isə olduqca azdır.

Bu gün kişilər cinsi ehtiyaclarını ödəmək, uşaq sahibi olmaq, ya da sevdiyi qadınla birlikdə yaşamaq istəkləri üçün evlənmək məcburiyyətində deyillər. Qanunlar belə vəziyyətdə kişilərin lehinə olsa da, indiki vaxtda kişilər hələ də evlənməyi seçir və belə məsuliyyəti boynuna götürməyi qəbul edirsə, biz qadınlara onları alqışlamaqdan başqa yol görünmür.

Evlənərkən yoldaşlarının ürəklərinin sənədini də ələ keçirdiklərini zənn edən qadınlar ev təmizləməyi, yemək bişirməyi zülmət kimi görürlər. Ev işlərini olduğundan daha çox şişirdərək, kişinin də eyni dərəcədə əhəmiyyət verməsini istəyərlər və "əzildiklərini", "saçlarını süpürgə etdiklərini", "nankorluqla qarşılaşdıqlarını" davamlı təkrarlayırlar. Bununla kişidə günahkarlıq duyğusu yaratmağa çalışırlar, yeri gəldikdə, etdiyi bütün ev işinin fakturasını kişinin önünə qoyar.

Bədbəxtliyini isə bütün hallarda kişiyə bağlayaraq, bunu əvəzində ev işlərinə diqqət göstərməməyə başlayırlar. Və nəyə görəsə axtardıqları xoşbəxtliyi bayırda işləyərək tapacaqlarına dair qəribə bir hissə qapılırlar. "İşləmək istəyirəm, evdə depressiyaya düşürəm, mən də insanam" şikayətləriylə özünü çölə atmağı xilas hesab edən peşəsiz, təhsilsiz qadın, nədənsə məsələn inşaatda fəhlə, mağazada satıcı işləməyi düşünməyərək, katibə olmağı, bir az oxumuş olanı isə müdir, yazar, jurnalist olmağı düşünürlər.

Əziz xanımlar! Məncə lazımsız xəyal qurmağı bir kənara qoyub, həyatımızda əvvəlcə yaxşı bir xanım, yaxşı bir həyat yoldaş və ana olmağa çalışaq.
Hesab verəcəyimiz üç mövzu yalnız və yalnız budur.
Məncə yerdə qalanların hamısı böyük bir YALANDIR...