DÜNYANIN ƏN BÖYÜK KƏŞFİYYAT ORQANI (VIII HİSSƏ)
Kissincer, 1968-ci ildə Nixonun milli təhlükəsizliklə əlaqədar xüsusi müşavirliyinə gətirildi. ABŞ prezidentinin təhlükəsizlik müşaviri olan Kissincer, beləcə ABŞ-ın həqiqi hökuməti olaraq qəbul edilən National Security Council (Milli Təhlükəsizlik Şurası) və vəzifəsi bu məclisə kömək etmək olan National Security Council Planning Board (Milli Təhlükəsizlik Planlama İdarəsi) və Operations Coordinating Board (Əməliyyat Koordinasiya İdarəsi) adlı təşəkküllərin idarəsini ələ aldı. MKİ, Milli Təhlükəsizlik Şurasına bağlı idi. Beləcə, Kissincer MKİ-yə də hökm etmiş olurdu. Daha sonra prezident köməkçisi, Nelson Rockefellerin dəstəyi ilə ABŞ xarici işlər naziri oldu.
Watergate skandalıyla MKİ, Amerika ictimaiyyətində etibarını itirdi və fəaliyyətləri zəiflədi. Bir çox əməliyyat və agent də ortaya çıxdı. Watergate skandalından sonra hökumət böhranıyla ictimai şok keçirən amerikalılar, MKİ-nin dünyanın dörd bir yanında qaranlıq işlərə qarışmasını istəmirdilər.
Kissincer dövründə kəşfiyyat əlaqələri İsraillə Amerika arasında möhkəm şəkildə irəlilədi. Sanki iki ölkə kəşfiyyat mövzularında eyni səviyyədə idilər. Vaşinqtondakı İsrail səfirliyindəki Mossad nümayəndəsi MKİ ilə yaxın əlaqələr qurmuşdu. Mossad agentləri başqa ad altında ABŞ-da işlərini həyata keçirirdilər. İsrail səlahiyyətliləri az qala hər gün MKİ liderləriylə görüşür və işləyirdilər. Kissincer bu iki təşkilatın yaxın əlaqəsini gözəl anlayırdı.
Vaşinqtondakı İsrail səfirliyi diplomatlarının bütün vaxtı, Amerikan Xarici İşlər Nazirliyi Milli Təhlükəsizlik Konseyi, Pentaqon və MKİ-dəki mütəxəssislərdən məlumat yığmaqla keçirdi. İllərlə İsrail müdafiə nazirlərinin Vaşinqtona etdikləri səfərləri əsnasında MKİ rəhbərləriylə görüşürdülər. Bu toplantılar heç zaman xalqa açıqlanan proqramlar sırasına daxil edilmirdi. Lakin nizamlı olaraq həyata keçirirdilər. Mossad başçısı Vaşinqtonu tez-tez ziyarət edirdi. Bu cür səfərlərdən ictimaiyyətin xəbəri olmasa da, çox nadir hallarda başqalarının hiss etməsinə icazə verirdilər. Mossad başçısı rəsmi qonaq siyahısında heç vaxt "Mossad rəhbəri" kimi göstərilməzdi. Amerikadakı MKİ rəhbərinin əksinə olaraq, İsraildə onun şəxsiyyəti çox gizli saxlanılırdı. Daxildəkilər bilməsə də, MKİ və Mossadın əlaqələri uzun illərdir qüvvədədir. Bu əlaqələr ən çox MKİ-nin casusu və İsraillə həyata keçiriləcək gizli əlaqələrin rəhbəri olan Ceyms Jesus Angletonun zamanında artmışdı.
KİSSİNCERİN ADAMLARI
Rokefeller suverenliyi altındakı CFR (Council on Foreign Relations” – Xarici Əlaqələr Komitəsi) və Trilateral Komissiyası kimi təşkilatların ən mühüm adlarından biri şübhəsiz Kissincerdir. İtalyanın P2 lojasından Avropadakı əks-kəşfiyyat təşkilatlarına qədər əlaqələri olan bu qurd siyasətçi, eyni zamanda ABŞ-dakı bütün İsrail tərəfdarı lobbi və beyin mərkəzlərinin təşkilatlarının da "koordinasiyasını" təmin edən addır. Kissincerin gücü, xarici işlər naziri vəzifəsini tərk etdikdən sonra qurduğu maraqlı sistemdən ibarət idi. Kissincer Associates adıyla yaratdığı siyasət yaratma şirkəti, ABŞ-ın bir çox məşhur diplomatını yetişdirib. Bu sayədə onların çoxu Xarici İşlər Nazirliyində Kissincerin "adamı" olmuşdur. Qurd siyasətçi, bu "sağ qolları" sayəsində, öz siyasətlərini - ki bunlar eyni zamanda həm də İsrailin siyasətləridir – icaraya yönəldə bilirdi.
Prezident Nixon və Ford dövrlərində əvvəl milli təhlükəsizlik müşaviri, sonra da xarici işlər naziri vəzifəsini icra edən Kissincer, İsrail mənfəətlərini ABŞ-da ən yaxşı təmsil edən adlardan biri olaraq göstərilir. Noam Çomski, “Tale üçbucağı” adlı kitabında Kissinceri Amerika xarici siyasətini "Böyük İsrail" hədəfinə indeksləyən adam kimi göstərir. Kissinceri İsrail tərəfdarı olmağa yönəldən səbəblərin başında heç şübhəsiz ki, onun özünün də yəhudi olması və ABŞ-dakı yəhudi kapitalistlərlə çox yakın əlaqələridir.
"Kissincerin adamları" deyildikdə ağla ilk gələcək adlar sırasında isə, Lawrence Eagleburgeri və Brent Scowcroftu görmək olar. Belə ki, Scowcrofta Vaşinqton kulislərində, Kissincerin hər söylədiyinə "bəli" dediyi üçün "Kissinger's yes-man" adı qoyulmuşdu.
Türk yazar Turan Yavuzun, “ABŞ-ın Kürd Kartı” adlı kitabında ətraflı şəkildə araşdırdığı mövzu “Körfəz müharibəsi”dir. Yavuz, kitab boyunca müharibənin işıq üzü görməyən həqiqətlərini axtarır. Kitabın lap əvvəlində bəhs etdiyi hadisə isə, "Kennebunkportdtakı balıq ovu"dur. Yavuzun Vaşinqton kulislərində yığdığı məlumatlara istinadən yazdıqlarına görə, prezident Buşun Kennebunkportdakı istirahət evində Körfəz böhranının başlamasından qısa müddət sonra baş verən balıq ovu əsnasında, bütün Körfəz müharibəsinin strategiyası müəyyənləşdirilmişdi.
Yavuz, kitab boyunca bu hadisəyə istinad edir və Körfəz müharibəsinin və onu izləyən hadisələrin burada müəyyənləşdirilən strategiyaya görə davam etdiyini tez-tez vurğulayır. Balıq ovuna, prezident Buşun “Fidelity” adlı gəmisi ilə gedilmişdi. Gəmidə bir kəşfiyyat nümayəndəsindən başqa iki adam var idi. Bu iki şəxs, baş-başa verib bütün hadisələri əvvəlcədən planlaşdırmışdılar.
Strategiya hazır idi. ABŞ Səddamı vuracaq və Küveytdən çıxmasını təmin edəcəkdi. Səddamın dişlərini sökəcək, ancaq ölkədə vətəndaş müharibəsinin başlamasına mane olacaqdı. Qısacası, iki yoldaş, Atlantik okeanı sularında, əllərində qarmaqlarla Bağdada ilk bombanın atılmasından düz 6 ay əvvəl, Körfəz böhranının sonunu müəyyənləşdirmişdilər.
Körfəz müharibəsinin bütün detallarını "6 ay əvvəldən müəyyənləşdirən" bu iki yoldaşın biri, əlbəttə ki prezident Buş, digəri isə Buşun milli təhlükəsizlik müşaviri, yəni Brent Scowcroft, "Kissinger's yes-man" idi. Müharibənin planını hazırlayan əslində olaraq Scowcroft idi. Buşa isə yalnız təsdiqləmək qalmışdı.
Məsələ bu mənanı verirdi: Körfəz müharibəsini Kissincerin bir "adamı" planlaşdırmışdı, yəni Kissincerin özü. Kissincer demək isə, İsrail demək idi. Necə ki, Körfəz müharibəsi, tam İsrailin istədiyi xəttdə davam etdi və bitdi.
Scowcroftun Buşa qəbul etdirdiyi plana görə, mütləq və mütləq Səddama müharibə elan olunmalıidi. Ancaq bununla birlikdə, dünyanın yerdə qalan qisiminin çoxunun gözlədiyinin əksinə, Səddamın iqtidardan endirilməməsi lazım olduğuna qərar verilmişdi. Səddamın yalnız "dişləri söküləcək"di.
Bəs İsrailin siyasəti nə idi? Körfəz müharibəsi Kissincer istehsalıdırsa, İsrailin siyasətinə də uyğun olmalı idi. İsrail, Təl-Əvivə işə yaramayan üç-beş raket ataraq "yəhudi düşməni" rolunu ən yaxşı şəkildə oynayan Səddamın devrilməsini istəyirdimi? Özünü fanatik bir antisemit kimi tanıtmaq üçün əlindən gələn hər şeyi edən Səddamın şoularına və mediada yaranan imicə görə, İsrail Səddamdan nifrət etməliydi. Halbuki, Səddam ətrafında formalaşdırılan bu fikirlər, eynilə Körfəz müharibəsinə girərkən, İraq bayrağına “Allahu Əkbər” sözlərini qoyaraq isbat etməyə çalışdığı müsəlmanlığı kimi saxta idi.
Davamı var
Cavad Turan
