Qoxunun insana çox əhəmiyyətli təsirləri var. Bəs hansı qoxu hansı hissə yaxşı təsir edir? Stressli iş yerlərində işləyənlər və yuxu problemi olanlar lavanda qoxusu, çörək otu və üzərlik toxumu qoxusu istifadə edə bilərlər. Eyni qoxular, çox ağlayan körpələrin rahatlaşmasına da kömək edir.
16-08-2011 / 16:04
Tarixdə qoxu mütəxəssisləri - İbni Sina və Biruni
Tarixdə İbni Sina və Biruni kimi məşhur tibb alimləri, bir çox bitki və onun qoxusu kimi, gülün də bir çox xəstəliyi önləyici və aradan qaldırıcı xüsusiyyətə malik olduğunu söyləyərək, xəstələr üzərində tətbiq etmişlər. Bu alimlər, gülü ruhi xəstələrin müalicəsində istifadə etmiş və yaddaşı açdığını, yaddaşı gücləndirdiyini müşahidə ediblər. Alman araşdırma qrupu, gül qoxulu bir otaqda yatırtdıqdan sonra zəka və qəbuletmə səviyyələrinin artdığını görüblər. Daha sonra türk araşdırma qrupu da güllə qidalanan siçanların yaddaşlarının gücləndiyini isbat etmişlər.
Osmanlı həkimlərinin, Mövlananın "Qoxu, könül gözünü açar" tövsiyəsiylə insanların təbiətlərini çox yaxşı tanıyaraq, buna görə qoxular təyin etdiklərini izah edən mütəxəssislər, belə deyir:
"Körpələrin çox isti və nəmli bədənləri olduğu üçün, sərin qoxulardan təbii bənövşə qoxusu, yetkinlik dövründəki gənclərin hormonları sıx və yüksək olduğundan, tünd xasiyyətləşmələrinin qarşısını almaq üçün sərinlədici qoxulardan qızılgül, bənövşə, limon, perqamot ətirli qoxular tövsiyə edilir. Yaşlıların bədənləri quru və soyuq olduğundan, isidici qoxulardan bibər və darçın qoxuları istifadə edilməsi təklif olunur."
Keçmişdə nümunələri müşahidə olunmasına baxmayaraq, indiki vaxtda qoxuların tibbdə aroma müalicədən əlavə istifadə edilmədiyi bildirilir. Qoxunun müalicədəki əhəmiyyətinin, gələcəkdə artacağı qeyd olunur.
İnsanın təbii qoxulara reaksiya verdiyini, indiki qoxuların sintetik olduğuna görə gözlənilən reaksiyanı ala bilmədiyini xatırladan mütəxəssislər, bu gün təbii gülün olduğu nadir yerlərdə belə 3 ton güldən 1 litr saf gül ətiri alındığını bildirir. Ümumiyyətlə, ixrac olunan bu ətirlərin qızıldan daha qiymətli olduğu bildirilir.
Mütəxəssislər, qoxunun tarix boyu, xüsusilə qadınlar tərəfindən əhəmiyyəti olduğuna toxunaraq, bunları söyləyib:
"Tarixdə qoxu, insanlara təsiretmə mövzusunda o qədər əhəmiyyətlidir ki, 12-ci əsrdə Misir kraliçası Kleopatra, gözəl qadın olmamasına baxmayaraq, Misir rahiblərinə hazırlatdığı qoxularla dövründə ad çıxarmış, qızılgülün də içində olduğu ətirlərlə böyük bir təsir yaratmışdı. Babil və Çində də kraliçalar cazibədar olmaq üçün qızılgül və zanbaq istifadə etmişlər."
Dizayn :Networkbil.net . 2009 FAKTXƏBƏR . Dərc olunan materilların mətninə görə, redaksiya heç bir məsuliyyət daşımır. Saytdakı materiallardan istifadə edərkən istinad zəruridir.
