FaktXeber.com-un verdiyi məlumata görə, ABŞ-ın keçmiş prezidenti Corc W.Buşun məsləhətçiləri arasında "Cristian Reconstructionism" adlı təşkilatdan bir nəfərin olduğu aşkarlandıqda qiyamət qopmuşdu. Çünki bu şəxslər, Allahın xalqları idarə etmək üçün xristianlara səlahiyyət verdiyini, Amerika Konstitusiyasının yerini İncilin almasını, homoseksualların asılmasını, quldarlığın geri qayıtmasını müdafiə edirdi. Heç kim bu qrupdan bir nəfərin Respublikaçı Partiyanın zirvəsinə çıxa biləcəyini düşünməmişdi. Ancaq 2012-ci il prezident seçkilərinə namizədliyini verən üç respublikaçı, Buş rəhbərliyini şamla axtartdıracaq kimi görünür. Namizədlərdən Rik Perri və Mişel Bekmannın "Cristian Reconstructionism" hərəkatının bir qolu olan "Dominasyon"un üzvü olduğu ortaya çıxıb. Üçüncü namizəd iş adamı Mitt Romney isə müasir həyata qarşı çıxan, çoxarvadlılığı qəbul edən "Mormon" məzhəbinin üzvüdür.
Bekmann ilk imtahanı keçdi
Amerikalı jurnalistlərin apardığı araşdırmalar, bazar günü keçirilən sorğularda birinci olan Bekmann ilə Perrinin "Dominasyon" hərəkatıyla yaxın olduğu, çıxışlarında tez-tez bu hərəkatın liderlərinin əsərlərindən istifadə aydınlaşıb. Bekmannın, "Dominasyon" fikirini mənimsəyən "Truth en Action Ministries" hərəkatına yaxın olduğu bilinir. Bekmann, kilsə ilə bərabər, televiziya kanalına sahib olan "Truth en Action Ministries"in sənədli filmində natiq kimi iştirak etmişdi.
"Qaralar qul olmalıdır"
Bekmann burada abort əleyhinə ifadələrdən istifadə edərək, kilsə üçün alınan 10 faiz xaricində dövlətin vergi almamalı olduğunu söyləmişdi. Bekmann internet saytında, "Truth en Action Ministries"in idarəçilərindən olan Corc Grantın, Amerika vətəndaş müharibəsini "Xristian Cənubun Allahsız Şimal"la mübarizəsi kimi göstərən, qaraların qul edilməsinin Allahın istəyi olduğunu bildirən kitablarını təklif edir.
Allah vəzifələndirir
Rik Perrinin isə yenə "Dominasyon" fikirlərini qəbul edən "The New Apostles" hərəkatı ilə yaxın əlaqələri var. Hərəkat, ABŞ-da xristian cəmiyyətinin yaradılmasını müdafiə edir. Ailə, din, sənət, əyləncə, media, hökumət, təhsil və iş dünyasının Allahın, yəni öz adamlarının idarəsində olmasını məqsəd güdürlər. Perri, avqustun 6-da Allahın ABŞ-ı xilas etməsi üçün böyük bir dua yığıncağı təşkil etmişdi.
Buşu şamla axtaracaqlar
Corc W. Buş, Protestant Kilsəsinin mühafizəkar seqmenti olan Evangelistlərin üzvüdür. Evangelistlər aborta qarşı çıxır, məktəblərdə xristianlıq dərslərinin tədrisini tələb edir. Evangelistlərin "Xristian Amerika" yaratmaq istədiyi iddia edilir. Liberal şərhçilər, dinə tez-tez müraciət edən Buşun, kilsə və dövlət ayrı-seçkiliyini aşındırdığını söyləyirlər.
Cavad Turan
