İyirmi ildir, yer üzünün hər küncünü qana bulayan, Əl-Qaidəyə qarşı müharibə, ya da terrorla mübarizə adı altında dərhal hər ölkədə terror hücumları təşkil edən, terrorla ölkələri məşğul etməyə məcbur edən ifrat millətçi İsrail həmrəyliyinin yeni bir nümunəsi ilə qarşı-qarşıyayıq.

ABŞ-dakı xristian sionistlərlə İsrail arasındakı ittifaq, ağ anqlo-saks irqçiliyi ilə İsrail irqçiliyi arasındakı koalisiya bu günə qədər ölkələri işğal edir, vətəndaş müharibələri törədir, müəyyən bölünmələrə imza atır, terror vasitəsiylə ölkələri şantaj edirdi. "Düşmənimiz ortaqdır" siyasəti ilə Yer üzündə yenidən hakimiyyət qurmağa çalışırdı. Əbu-Qureybdəki işgəncələr ibadət niyyətiylə edilir, insanlar bu ruhla öldürülür, ABŞ daxilində getdikcə güc qazanan mühafizəkar sağ, bütün müsəlmanlara qarşı hər yolu sınayaraq, bir növ "Xaçlı hücumu" icra edirdi.

Aydın olan isə odur ki, bu ittifaqa indi Avropa millətçiləri də qoşulub. Millətçi dedikdə, Almaniyada nümunələrini gördüyümüz faşist qruplardan deyil, iqtidarda olan və vəzifələrindən istifadə edən güclərdən danışırıq. Qərb mədəniyyətinin görünən üzünün arxasına gizlənən bu mərkəzi güclər, həm Qərb ictimaiyyətini idarə etməyə, idarə olunmayanları isə cəzalandırmağa, həm də dünyanı yenidən formalaşdırmağa çalışır.

Norveç hadisəsini bir nəfər üzərinə istiqamətləndirmək hədəf çaşdırmaqdır. Breyvik bəzi hadisələrin işıqlandırılması üçün açar ola bilər. Bəzi mənbələr atəş açan daha iki nəfərin də olduğunu xəbər verirlər. Bu qədər hazırlıq və təşkilatın bir adamla məhdud olması çox da inandırıcı görünmür. İndi isə bəzi qeydləri xatırladaq:

Norveç, sentyabr ayında Fələstin Dövlətini tanıyacaq ilk Avropa ölkəsi olacaqdı. Ölkə olaraq bunu açıqlamışdı. İsrail şirkətlərinə embarqo qoydu, Fələstinə köməkləri kəsmədi, İsrailin sərt tənqidlərinə məruz qaldı. Qətliam törədilən adadakı afişa da diqqət çəkici idi. "İsrailin boykot edilməsi"nə dair afişadan başqa, gənclərin "Dövlət Fələstinin haqqı, İsraili boykot edin" şəklində köynəklər geyindiyi və çıxışlar etdiyi bildirilir. Qatilin qeydlərində, İslam əleyhdarlığı ilə birlikdə, sionizmə qarşı olanlara və çoxmədəniyyətliliyi dəstəkləyənlərə müharibə elan etməsi və "sionist qardaşlarımız" ifadəsini işlətməsi də, xristian fundamentalist-İsrail əlaqələrinin göstəricisidir.

- Bir xarici işlər naziri; "Fələstin bir dövlətə sahib olmalı, işğal dayandırılmalı, divar yıxılmalıdır" deyirsə;
- Adadakı gənclik düşərgəsi, İsrail əleyhdarı və Fələstini dəstəkləyən bir təşkilata çevrilirsə;
- İsrail qəzetləri, düşərgə təşkilatını yıxıb sürüyürsə;
- Norveç, dövlət olaraq İsraili boykota və Fələstin dövlətini tanımağa hazırlaşırsa;
- Qatil Anders Behring Breyvik, "Sionist qardaşlarım" dediyi ifrat İsrail irqçiləri ilə birgə müharibə çağırışları edirsə;
- Karikatura böhranının memarları və İsrail irqçilərinin əlaqələrinə dair yaddaşlarımız hələ canlıdırsa;
Norveç İşçi Partiyası Gənclik Təşkilatının lideri Eskil Pedersen qırğından iki gün əvvəl Norveçdə nəşr olunan "Dagbladet" qəzetinə, "İsrailə qarşı mübarizə aparmağın zamanı çatıb. Xarici işlər naziri bu ölkəyə boykot elan etməlidir. Sülh müddəti İsrailin maneələri üzündən sıfır nöqtəsində qalıb. Biz gənclər, birtərəfli olaraq İsrailə iqtisadi boykot başladacağıq" deyirsə;
- Təhlükəsizlik mütəxəssisləri, "bu hücum bir kəşfiyyat işidir" deyirsə;
- Breyvik, İsrail irqçilərinin internet saytlarında məqalələr yazırsa, onlarla güclü əlaqələri ortaya çıxıbsa, eyni saytlarda, eyni şəxslərlə birlikdə "İslamla qarşı müharibə" çağırışları edirsə;
- Şəxsiyyət etibarilə qatı mühafizəkarlarla eynidirsə, İsrail millətçiləri ilə eyni hədəfə istiqamətli bir növ xristian sionist baxışlıdırsa;

Bütün bu cür göstəricilər xristian millətçilərinin müsəlman və immiqrantlardan xilas olmaq üçün müsəlmanlarla mübarizəni Avropaya yaymaq, bu müqəddəs ittifaqa qatılmayanları cəzalandırmaq mövzusunda, fərdi terrorun sərhədlərindən kənarda dayanan təşkilat olduğuna işarədir.

Qısası, bir terror koalisiyasıyla qarşı-qarşıyayıq. Dərin və Avropada dəstəyi olan bir fəlsəfi hücumla üz-üzəyik. İsrail irqçiliyi ilə Avropa qatı mühafizəkarlarının ittifaq elanının acı nümunəsinə şahid oluruq. Norveçi niyə cəzalandırdıqlarını bir daha düşünək. O zaman qətliamı kimlərin planlaşdırdığını və həyata keçirdiyini dəqiq başa düşəcəyik...

Norveç, terror koalisiyasının, güclər hesablaşmasının, dövlət terrorunun, kəşfiyyat təşkilatlarının ofisində hazırlanan bir hücumun qurbanı oldu.
"Tanrını qiyamətə məcbur etmə"yə istiqamətlənmiş qiyamət əsgərləri bunlardır!.. Amma böyük bir dünyəvi hesab hayata keçirilir...

Cavad Turan