Ölkədə yaşayan insanların həyatında kifayət qədər sosial problemlər mövcuddur.  Sosial problemlərin ən mühüm əhatə etdiyi sahələrdən biri də fiziki məhdudiyyəti olan uşaqlarla bağlıdır. Ölkədə fiziki məhdudiyyəti olan uşaqların problemləri ilə bağlı FaktXeber.com-a açıqlama verən sosial iş üzrə mütəxəssis Cavid İmamoğlu, insanların əlilliyi olan uşaqlara qarşı münasibətlərinin dəyişməsinin vacibliyini vurğuladı:

“ Azərbaycanda müxtəlif sosial qrupların problemlərinin həlli istiqamətində qanunvericilik cəhətdən heç vaxt ciddi boşluqlar olmayıb.  Əlliliyi olan uşaqların reablitasiyası və sosial müdafisə ilə bağlı ölkə qanunvericilyi var və orda kifayət qədər fiziki məhdudiyyəti olan uşaqlara qayğı nəzərdə tutulub. Təəssüf doğurucu məqam budur ki, bu uşaqlara xidmət edəcək reabilitasiya mərkəzləri, sanatoriya və digər müəssisələrdə işləyən sosial pedaqoqlar bəzən nə qədər xüsusi yanaşma tələb edən insan qrupu ilə işlədiklərini unudurlar. Cəmiyyət də belə, bu uşaqların yaşadığı doğma ailələrdə bəzən əlilliyi olan uşaqlar qayğıdan kənar qalır. Təbii ki, bütün bunlar bu qrup uşaqların özünə inam hissisinə təsir edir və onların cəmiyyətdə bərabər hüquqlu vətəndaş kimi inkişafına mane olur. Halbuki bu cür məhdudiyyəti olan uşaqlara istər dövlət, istərsə də ailələrində qayğı və dəstək göstərilsə, bu uşaqlar digər həmyaşıdlarından heç bir gerilikləri ilə fərqlənməzlər. Dövlət sturkturları başa düşməlidir ki, əlilliyi olan insanları hər bir sahədə nəzərə almalıdırlar. Ən əsasi isə ictimai nəqliyyat və şəhərsalmada. Çox təəssüflər olsun ki, bu sektorda çalışanlar Azərbaycanın fiziki məhdudiyyəti olan insanlarını nəzərə alımırlar. Baxın, hər şey də elə burdan başlayır. Əgər əlilliyi olan insan sərbəst hərəkət edə bilməyəcəksə, o halda onlara hansı dövlət qayğısından söhbət edə bilərik. Burda qanuvericilikdə onlar üçün nəzərdə tutulmuş çoxlu təminat adı çəkmək olar. Ancaq, bütün bunlar o vaxtı fiziki məhdudiyyətli uşaqların inkişafına səbəb ola bilər ki, onlara olan yanaşma dəyişsin. Bu haqda mən Çarəsiziniz, çarə sizsiniz? adlı  yazı yazıb bütün ictimaətə müraciət etdim ki, nə qədər ki, biz uşaqların inkişına, fiziki məhdudiyyətli olub olmamasından aslı olmayaraq, bərabər imkanlar yaratmamışıq, o halda uşaq rifahından danışmaq hələ tez olar.