Mübarək Ramazan ayı başlar-başlamaz insanların hamılıqla İlahi qaydalara əməl etdiyini görən bəzi din düşmənləri müxtəlif sosial şəbəkələrdə ara qarışdırmaq və iftira xarakterli fikrlər ortaya atmağa başladılar. Bu da təbiidir, çünki, iftira həmişə insanları haqq yolundan çəkindirməyə istiqamətlənir ki, ölkə iftiraçılarının da əsas məqsədi elə xalqımızı mübarək və pak İslam mənəviyyatından uzaqlaşdırmaqdır. Məsələ ilə bağl FaktXeber.com-un suallarını islamşünas alim Vaqif Arifoğlu cavablandırdı.

O bildirdi ki, əslində Quran məntiqi də sübut edir ki, din iftiraçılarının əsas məqsədi mənəviyyatı aradan aparmaqdır ki, bundan ötrü onlar haqqı gizlətməyə və insanları haqq yolundan azdırmağa çalışırlar.  “Tarixə baxsaq, görərik ki, peyğəmbərlərin gəlişinin səbəblərindən biri gizlin olan həqiqətləri üzə çıxarmaq idi. Bu o demekdir ki, həqiqiət qarşısında insanlar iki hissəyə ayrılır. Ya qəbul edirlər, ya da gizlədirlər. İnkar edən qrup umumiyyətlə mövcud deyil. Çünki həqiqət inkar olunası deyil.  Quran terminalogiyasında da həqiqət qarşısında inadçılar həqiqəti gizlədənlər adlandırırlır, nəinki həqiqəti inkar edənlər.

Ümumi anlayışda isə həqiqəti gizlədənlər iftiraçı və ya mövhümatçı adlandırılır. Bu səbəbdən iftiraçı və möhvümatçı dedikdə daha çox cahil deyill, bəlkə bilərəkdən inadkarlıq edənlər nəzərdə tutulur. Yəni, onlar, həqiqətdən xəbərdar, lakin insanların həqiqətə olan inamının gözünə pərdə çəkənlərdir. Nəticə etibarı ilə iftiraçıların dandıqları məsələ həqiqətdə onların inandıqları məsələdir. Lakin onu gizlədir və insanları öz cəhalətində saxlamaq niyyəti güdürlər. Peyğəmbərin (s) öz zamanında ona müxalif qüvvələr Quranın buyurduğuna görə də peyğəmbəri (s) öz uşaqlarından belə yaxşı tanıyırdılar. Lakin, insanlarla qarşılaşdıqda onu danırdılar.

Bu gün də belədir. Müxtəlif sosial şəbəkələrdə din və islam adı ilə istər peyğəmbərlər, istər imamlar, istərsə də Qurani Kərim haqqında əsas məsələrə deyil, məhz cüzi məsələri axtarıb ona toxunur və bunu təmami ilə İslama zidd olaraq təqdim edirlər. Mənəviyyat məsələsi ümumilikdə qlobal məsələdir və qəbul olunmuş həqiqətdir. Digər bir tərəfdən mənəvi ab-hava ilə tanış olduqda insanın həqiqətləri görmək bacarağı yaranır. Və yəqin ki, həqiqətlərə gözü açıq insanlar məhz zamanımızda şəxsi mənfəətləri üçün çalışanlara, insanları idarə edən qüdrət və güc sahiblərinə, hakimlərə heç də sərfəli deyil. Qurani Kərim də buyurur ki, bizlər Allaha üç əsas insan qisminə görə pənah aparırıq: Qüdrətlilər, sərvətlilər və din iftiraçılarından. Bu 3 qism insan təbəqəsinə diqqət etdikdə görürük ki, son üçüncü qism insaların qaynaqlandığı və arxalandığı mənbə hakim qüdrətlilər və sərvətlilərdir. Odur ki, zamanə din iftiraçılarının əsas dayağı məhz elə öz hakimləridir ki, onların əsas məqsədi İslam mənəviyyatının insanlar arasında genişlənməsinin qarşısını almaqdır.