Kazan görüşünə qədər cəmiyyətdə belə bir təfəkkür formalaşmışdı ki, əgər Kazan görüşüdə nəticəsiz sona çatsa, müharibə ehtimalı qaçılmazdır. Hətta müharibə ehtimalının baş verməsi Azərbaycan hakimiyyəti tərəfindən də tez-tez səsləndirilirdi. Görüşdən qısa bir zaman sonra keçirilən hərbi parad da bu sözləri deməyə əsas verirdi.  Lakin görüşdən sonra deyilənlərin tam əksi müşahidə olundu.  Kazan görüşündən sonra Azərbaycan rəhbərliyinin müharibə ilə bağlı bəyanatları səngiməyə başlayıb.  Lakin Ermənistanda isə bunun əksini müşahidə eləyirik. Məsələni Faktxeber.com-a şərh edən politoloq Elxan Şahinoğlu, müharibə ilə bağlı çağırışların səngiməsini Rusiyanın təzyiqə ilə baş verdiyini bildirdi:
"Əslində müharibə ilə bağlı çağırışların səngiməsi kazan görüşündən sonra yox, Soçi görüşündən sonra səngiməyə başladı. Həqiqətən Azərbaycan rəsmiləri həmin dövrə qədər sıx olaraq müharibə ilə bağlı bəyanatlar səsləndirirdilər. Lakin Soçi görüşündən sonra bu bəyanatlar bir qədər səngiməyə başladı. Mənə elə gəlir ki, belə bir hal Rusiyanın təzyiqi ilə bağlıdır. Rusiyanın açıq-açkar iki tərəfə çox ciddi təsirləri mövcuddur. Lakin bu təzyiq ən çox Azərbaycana qarşı yönəlib. Keçən il keçirilən Soçi görüşündən sonra Azərbaycan rəhbərliyinin belə bir açıqlaması olmuşdu ki, Ermənistan prezidenti genişlənmiş Madrid prinsipi ilə bağlı münasibət bildirmək üçün iki həftə vaxt istəyib. Lakin o, iki həftədən bu günə qədər heç bir açıqlama verilməyib. Ondan sonra məndə belə bir təəssürat yarandı ki, Rusiyanın özü Ermənistana qarşı belə təzyiq etməkdə maraqlıdır. Əslində Ermənistan tərəfindən də bir başa müharibə çağırışları edilmir. Guya Ermənistan bu bəyanatlarla Azərbaycan tərəfinin müharibə bəyanatlarına cavab verir. Düşünürəm ki, Rusiyanın Xarici İşlər Nazirliyi məktubları Azərbaycan və Ermənistan prezidentlərinə çatdırıb. Rusiya müharibənin baş verməməsi üçün əlindən gəlin edir. Çünki müharibənin başlaması və xalq toqquşmasının artması ehtimalı bir başa Şimali Qafqaza təsir edəcək. Belə bir hal isə Rusiyanınm maraqlarına ziddir. Ona görə Rusiya tərəfi  nə müharibə şəraitin yaranmasına, nə də ki, sülhün əldə olunmasın istəmir. Ona görə də Azərbaycan və Ermənistan tərəfi Rusiyanın maraqlarını nəzərə almalıdır."

Xəyal Şükür