DÜNYANIN ƏN BÖYÜK KƏŞFİYYAT ORQANI (IV hissə)

Əks-kəşfiyyatçılar kimi tanınan Gladioya bənzər təşkilatların idarə mərkəzləri, NATO daxilində xüsusi bir təşkilat kimi tanınan “Super NATO”ya bağlıdır. İctimai təbəqənin hər bir hissəsində təşkilatlanan silahlı şəbəkəni ya əlaqədar ölkələrin hərbi qüvvələri, ya da “Super NATO” idarə edir. Buna görə də, “Super NATO”ya bağlı olan bu qurumların ortaya çıxarılması və ya törətdikləri cinayətlərin bütövlükdə deşifrə olması ümumiyyətlə mümkün deyil. Buna nə beynəlxalq sistem qüvvələri, nə NATO rəhbərliyi, nə də ayrı-ayrı ölkələrin dövlət idarəçiləri icazə verirlər.

“Super NATO”ya istiqamətli qurulan Gladionun bəzi qurumlarına baxdıqda bunu çox aydın görmək mümkündür.

Stay Behind təşkilatları: NATO tərkibində yaradılan “Hərəkat İdarəetmə Mərkəzi”nə bağlı fəaliyyət göstərən bir təşkilatdır. Vəzifəsi, “Mətbuata nüfuz edərək jurnalistləri ələ keçirmək, təşkilat və siyasi partiyalara maliyyə dəstəyi vermək, antikommunist hərəkatları təşkil etmək”.

Qeyd etmək yerinə düşərdi ki, Azərbaycan da bu təşkilatın üzvlərinin olduğu və onların cani-dildən fəaliyyət göstərməsi göz önündədir. Təkcə bir fakta diqqət yetirmək kifayətdir ki, NATO-nun törətdiyi qanlı cinayətlər barədə Azərbaycan mətbuatında, bu istər yazılı olsun, istərsə də elektron fərq etməz, heç bir iri həcimli araşdırma yazıya rast gəlmək mümkün deyil. Əksinə, NATO əsgərlərinin mülki vətəndaşları qətliam etməsi hadisələri əsl həqiqətdən başqa istiqamətə yönləndirilərək, guya əslində ölənlərin terrorçu olduğu görüntüsü yaradılır. Və ya NATO işğallarının əslində həmin bölgə xalqlarının azadlıq hərəkatı kimi qələmə verilir. Son vaxtlar ölkəmizlə bağlı belə bir təbliğat işləri də həyata keçirilir ki, guya NATO qüvvələri Qarabağa yerləşdirilsə, biz bu problemlərdən azad olarıq. Amma bu təbliğatı aparanlar nədənsə NATO-nun indiyə kimi hansı ölkəyə azadlıq verdiyi və girdiyi ölkədən çıxdığı barədə heç bir məlumat açıqlamırlar. Yəqin ki, bunun səbəbi məhz yuxarıda göstərilən faktdır: pulla ələ alma.

Catena: İtalyanca tərcüməsi zəncirdir. Gladionun tərkibinə daxil olan bu təşkilat həyata keçirilən qarşıdurma aksiyalarını gizlətmək və diqqətləri dağıtmaqla məsuldur.

Sülh və Azadlıq: Catenaya bağlı olan və antikommunist müdaxilə planına görə fəaliyyət göstərən silahlı əks-kəşfiyyat təşkilatıdır. Mərkəzi Belçikada yerləşir. Vəzifələri xüsusi olaraq, təxribat, kəşfiyyat məlumatları, çıxış yollarının araşdırılması, bölgələrdə sistemlərinə müxalif olan tanınmış şəxslərin məhvi və sairdir.

Külək Gülü: NATO-nun, vətəndaş müharibəsi və müharibə vəziyyətində, “mülki və hərbi qabaqcıl qüvvələrə” söykənən, ideoloji baxımdan etibarlı təşkilatları yaratmaqla vəzifəlidir.

İqtisadi Siyasət və Sosial Araşdırmalar Mərkəzi: Gladionun iqtisadi, siyasi və sosial sahədəki əsas siyasətini müəyyənləşdirən “alimlərdən” ibarət son dərəcə əhəmiyyətli funksiyanı daşıyan bir qurumdur. Bu təşkilat dünyadakı bütün iqtisadi inkişaf və dəyişiklikləri araşdırar, siyasi prosesləri izlər və köklü siyasətləri müəyyənləşdirilər.

Bu təşkilatın da Azərbaycanda nümayəndəliyi var. Və oxucularımız Azərbaycan mediasını diqqətlə izləsələr, bu cür mərkəzlərin barmaqla sayılası qədər olduğunu görərlər. Onların rəhbərlərinin tez-tez mətbuat səhifələrindəki açıqlamaları da buna işarədir.

Strateji Xidmətlər İdarəsi: NATOya daxil ölkələrdə lazım gəldikdə gizli əməliyyatlar keçirmək üçün yaradılan, 13 min agentə, çox müasir texnoloji təchizata və milyonlarla dollar büdcəyə sahibdir. NATO-nun İtaliyadakı mərkəzinə bağlıdır.

Amerika Həmkarlar Təşkilatı İnstitutu: Beynəlxalq aləmdə xüsusilə fəhlə hərəkatlarını nəzarət altına almaqla vəzifəlidir.

Avropa Siyasi Elmlər Akademiyası: Beynəlxalq Gladionun siyasi fəaliyyətlərinin müəyyənləşdirilib planlaşdırıldığı bir mərkəzdir. Bütün xərcləri beynəlxalq şirkətlər və müəyyən sahibkarlar tərəfindən çəkilir.

Beynəlxalq Ticarət Mərkəzinin müxtəlif ölkələrdəki idarəçilərinin böyük əksəriyyəti əks-kəşfiyyatın üzvləridir. Vəzifələri dövlət çevrilişlərini maliyyələşdirməkdir. 1970-ci illərdə Latın Amerikasında həyata keçirilən dövlət çevrilişlərinin demək olar ki, hamısında BTM-in əlinin olduğu bildirilir və Gladio ilə çox yaxın əlaqəsi olan bu mərkəzə aşağıdakılar daxildir:

-       Exim Bankın beynəlxalq idarəçiləri

-       “Mercedes Benz”in Latın Amerikası rəhbərləri

-       “Ford” şirkətinin Latın Amerikası və Afrika direktorları, BMW-nin Latın Amerikası rəhbəri

-       Brüssel Bank Holdingin İdarə Heyəti

-       Yuxarı Katanqa Mədən Şirkətinin prezidenti herman Robilliart

-       İtaliyadan olan BVF prezidenti Alessandro Uboldi və Cappei

-       “Fiat” şirkətinin Türkiyə kooardinatorları

-       “General Motors”un Avropa, Latın Amerikası və Asiya direktorlarının əksəriyyəti

-       Dünyanın ən böyük neft şirkətlərindən olan Shell və Rockefeller.

STAY BEHİND

Stay Behind 50-ci illərdən etibarən demək olar ki, bütün NATO ölkələrində yaradılmış gizli bir təşkilatdır. Təşkilat beynəlxalq xüsusi xidmət orqanlarına, ya da əlaqədar NATO qərargahlarına bağlı şəkildə işləyir. Bununla da bütün parlament və prezident respublikalarında hökumət nəzarətindən kənardadırlar. Bəzi nazirlər isə ölkələrində belə bir təşkilatın varlığından belə xəbərsizdirlər.

Stay Behind əməliyyatlarında, bir ölkə öz sərhədləri daxilində, düşmən işğalı zamanı istifadə etmək üçün gizli agentlər və təşkilatlar yaradır. Bu olduqda agentlər müqavimət hərəkatının əsasını qoyur, ya da düşmən cəbhəsi arxasından kəşfiyyat məlumatları ötürür. Kisik diametrli əməliyyatlar sadəcə kiçik bölgələri əhatə edərkən, daha böyük Stay Behind əməliyyatları bütün işğal edilmiş ölkələr üçün planlaşdırılır.

Qeydə alınmış Stay Behind əməliyyatları İkinci Dünya müharibəsində olmuşdur. BMT və faşistlər növbə ilə Əlavə Qüvvələr və Werwolf təşkilatlarını istifadə etmişdir. Soyuq Müharibə dövründə NATO və MKİ-nin nəzarəti altında olan Stan Behind əməliyyatlarının ölkə Varaşava Paktı tərəfindən ələ keçirildikdə və ya Kommunist Partiyası demokratik yolla hakimiyyətə gəldikdə həyata keçirilməsi planlaşdırılırdı. Bu “gizli ordular”ın istifadəsi üçün İtaliya, Avstriya, Almaniya, Danimarka və digər ölkələrdə çoxlu sayda cəbbəxanalar ələ keçirildi.

1950-ci illərin əvvəllərində Birləşmiş Millətlər Təşkilatı, Qərbi Avropada Stay Behind könüllü dəstələrini hazırlamağa başladı ki, beləcə Sovet işğalı həyata keçərsə, “kəşfiyyat məlumatları toplayaraq, qaçış yolları açıb, müqavimət qüvvələri təşkil edə biləcəkdi.” MKİ, NATO komitəsinin nəzarəti altında Qərbin hərbi kəşfiyyat qüvvələriylə təmas halında işləyərəcək bu qrupları maliyyələşdirdi və məsləhətçiliyini etdi. 

Bu Stay Behind orduları Qərbi Avropa siyasətində solçu qüvvələrin yüksəlişinin qarşısını almaq məqsədiylə “gərginlik strategiyası” adı altında bütün Avropadakı terrorçu qüvvələrlə planlar hazırladı, onları dəstəklədi və hətta istiqamətləndirdi. NATO-nun “gizli orduları” bir çox ölkədə cinayətlər törətdilər.

-       1961-ci ildə Fransanın Stay Behind ordusu MKİ ilə birgə Əlcəzayirdəki Fransa hökumətinə qarşı nəticədə uğursuzluqla başa çatan çevriliş planı hazırladı.

-       1967-ci ildə Yunanıstanda Stay Behind ordusu sevriliş həyata keçirərək hərbi diktatura rejimi qurdu.

-       1977-ci ildə İspaniyada Stay Behind ordusu Madriddə qətliam həyata keçirdi.

-       1985-ci ildə Belçikada Stay Behind orduları super market qarşısındakı insanlara təsadüfi atəş açaraq 28 nəfəri öldürdü.

-       1990-cı ildə İsveçrədə İsveç Stay Behind təşkilatının keçmiş başçısı ABŞ Müdafiə Nazirliyi barədə “həqiqəti açıqlayacağını” söyləməsindən bir gün sonra öz bıçağıyla öldürülmüşdü.

-       1995-ci ildə İngiltərənin Mİ6 və SAS-nın Qərbi Avropadakı Stay Behind ordularına yardım etdiyi məlum oldu.

Hörmətli oxucular!

Növbəti yazımızda sizlərə CFR “COUNCIL ON FOREIGN RELATIONS” – XARİCİ ƏLAQƏLƏR KOMİTƏSİ barədə məlumat verəcəyik.

Davamı var

Cavad Turan