Xəbər Lenti

Sorğu

İnfografika

Arxiv

Yazar

02 Avqust

2012
12:50
19604
ŞOK! ŞOK! ŞOK! HALAL KOLBASA SEXLƏRİNDƏ NƏLƏRİ GÖRDÜK?
"Halal" bildiyimiz kolbasaların hazırlanmasında hansılarda şəriət qanunları gözlənilir?

Azərbaycanda “Halal” nişanı ilə satılan ət və ət məhsullarının çeşidi son zamanlar artmaqdadır. Ölkədə kolbasa istehsalı ilə məşğul olan kifayət qədər sex və müəssisə mövcuddur ki, hər biri öz məhsulunun halal olmasını iddia edir. Bəs görəsən “halal məhsul” dedikdə nə başa düşülür? Bu barədə müxtəlif fikirlər səslənsə də, əslində hər hansı bir ət və ət məhsulunun halal olmasının göstəricisi həmin məhsul hazırlanarkən istifadə olunan heyvanın ətinin şəriət qanunlarına uyğun kəsilməsidir. Yəni şəriət qanunları ilə, üzü qibləyə, “bismillah” deyilməklə kəsilən heyvanın ətindən hazırlanan kolbasa və bu kimi məhsullar, ancaq bu cür halal hesab oluna bilər. Bu göstəricilərə əməl etmək isə bütün müəssisələrə nəsib olmur. Kolbasa istehsalı ilə məşğul olan sex və ya iri həcmli şirkətlər ət və ət məhsullarının çeşidinin hazırlanmasında bəzən bilərəkdən, bəzən də bilmədən bu standartları pozurlar.  Əti qadağan olunmuş heyvanlarının ətindən istifadə etməklə bir çox şirkətlər kolbasa fəaliyyətində “halal” göstəricisini itirmiş olurlar.

Bəzi şirkətlər də mövcuddur ki, istehsalatda məhz halal göstəricilərə əməl etməklə kolbasa və bu kimi məhsulların hazırlanamsı ilə məşğuldur. Bu şirkətlər arasında ən çox adı hallandırılanlar isə “SAB”, “HİCAZ”, “HACI TURQAY” və “ELBA”dır ki, ət və ət məhsullarının hazırlanmasında halal göstəricilərə əməl etməsi iddia olunur.

Bu iddianın həqiqətən gerçək olub-olmadığını müəyyən etmək məqsədilə FaktXeber.com olaraq adları çəkilən 3 şirkətlərə baş çəkmək qərarına gəldik. Sözügedən şirkətlərdən “ELBA” MMC Gəncə şəhərində yerləşdiyi üçün onlarla görüşmək imkanımız olmadı. Amma şirkətin internet saytında yerləşdirilmiş video rolikdə heyvan kəsimindən tutmuş, məhsulun hazırlanmasına qədər olan proses əks olunub.

Amma yerdə qalan 3 şirkət Bakı şəhərində yerləşdiyi üçün onlara baş çəkməkdə problem yaranmadı. Lakin şirkətlərə baş çəkdikdə müxtəlif reaksiyalarla qarşılaşdıq. Bir şirkətdə bizə içəri daxil olub sonradan çəkiliş üçün icazə tələb olundusa, bir şirkətdə heç içəri daxil olmağa belə icazə verilmədi. Nəhayət aralarında bir müəssisə tapıldı ki, halal göstəricilərlə kolbasa hazırlamaq bacarığını nümayiş etdirməyə razılıq verdi. 

İlk olaraq “Hacı Turqay” şirkətinə baş çəkərək müəssisənin ərazisinə daxil olduq və orada satış menecerindən çəkiliş üçün icazənin kimdən alınması barədə soruşduq.  Satış meneceri isə mühafizəçiyə yaxınlaşmağı və oradan rəhbərliklə əlaqə saxlanmasını bizə tövsiyə etdi. Mühafizəçiyə yaxınlaşsaq da, şirkət rəhbərliyindən heç kim bizimlə əlaqə yaratmaq istəmədi.  Yalnız özünü menecer kimi təqdim edən şəxs telefon vasitəsiylə bildirdi ki, şirkətə daxil olmağa icazə yoxdur. Adını və soyadını təqdim etmək istəməyən şirkət rəsmisi, “biz sizə içəriyə daxil olmağa icazə verə bilmərik. Heç televiziya kanallarını da zavodumuza buraxmırıq. Məhsulumuz isə halaldır” - deyə bildirdi.

Maraqlı məsələ isə odur ki, Azərbaycanda ilk olaraq “Halal” markası ilə kolbasa məhsulları istehsal edən “Hacı Turqay” şirkəti çəkilişlərə niyə icazə vermir? Hər halda istənilən bir şirkət istehsal etdiyi məhsulun keyfiyyətinə zəmanət üçün istənilən bir media nümayəndəsinə qapısını həmişə açıq qoymalıdır. Yox, əgər bu müəssisədaxili nizamnaməyə ziddirsə, ən azından “ELBA” şirkəti kimi istehsal prosesini şəffaflaşdıran görüntünü təqdim etməlidir.

Nə isə, biz bir gün sonra “Hacı Turqay” şirkəti ilə yenidən əlaqə saxlamağa və burada onların fəaliyyətinə kölgə salacaq heç bir prosesin olmadığını izah etməyə çalışdıq, amma təəssüf ki, bu cəhdlərimiz də boşa çıxdı.

Baş çəkdiyimiz növbəti şirkət isə “Hicaz” oldu. Müəssisənin qapısında nə mühafizəçi var idi nə də qoruq-qadağa. “İstənilən bir şəxs buradakı istehsal prosesini izləyə bilər.” Bu sözləri bizə şirkətin rəhbərlərindən olan Vaqif İbrahimov bildirdi. Şirkət barədə ətraflı məlumat verən Vaqif bəy, sexdə hazırlanan kolbasa və sosiskaların necə hazırlandığı yerlə bizi tanış etdi.  Təxminən 3 ildir fəaliyyət göstərən şirkətin dana və toyuq ətindən istifadə edərək kolbasa və sosiska istehsal etdiyini söyləyən V.İbrahimov,  şirkətinin şəriət qanunlarına tam riayət etdiyini açıqladı. O, bildirdi ki, “biz Hindistandan və ya başqa ölkələrdən gətirilən donmuş ətlərlə deyil, öz gözümüz qarşısında kəsilmiş mal ətindən istifadə edirik. Heyvanın kəsimi prosesində də şəxsən öz nümayəndəmiz iştirak edir. Heyvanlar şəriət qaydalarına uyğun olaraq üzü qibləyə, “Bismillah” deməklə kəsilir.”

Növbəti dayanacağımız isə digər halal kolbasa müəssisəsi olan “SAB” şirkəti idi. Lakin bu şirkətdə də bizi qəbul etmək istəmədilər. Bizi Xırdalandakı müəssisənin qarşısında saxlayan mühafizəçi əraziyə kənar şəxslərin daxil olmasınını mümkünsüzlüyünü söylədi və rəhbərliklə əlaqə saxladı. Onun, “burada jurnalistlər var, içəri daxil olub çəkiliş aparmaq istəyirlər” - deməsinə verilən cavab isə belə oldu: “Bağışlayın, sizi içəri buraxa bilmərəm”.

Bax belə. Mövzunu açıq saxlayırıq. Çəkilişə icazə verməyən şirkətlərin hər ikisinə istənilən vaxt yenidən baş çəkə bilərik. Əgər istəsələr. İstək isə razılıqdan ibarətdir. Heç bir əlavə ödəniş tələb olunmur.

Orxan, Vüqar

Şərhlər
The Reader tərəfindən 02-08-2012 tarixində yazıldı
...
Ay Yalansa çox halal adamlardılar onlar çox
Ali Cafarov tərəfindən 02-08-2012 tarixində yazıldı
halaliq
Men ozum artiq 16 ile yaxindir ki kolbasa satisi ile mesgulam Men Azerbaycanda HICAZ kolbasalarindan basqa halal kolbasa tanamiram .Duzdur ozum bas sexlerin malini satisi ile mesgulam amma hec birinde halalliga zamanet yoxdur.
Aliya Ä°. tərəfindən 03-08-2012 tarixində yazıldı
Çəkiliş
Hicazda çəkiliş aparılıb, amma hazır kolbasalar çəkilib. Bununla necə bilmək olar ki, kolbasanını içində nə var. Mən menecerin danışığına inanıram, mömin insanlardır inşallah. Onu da deyim ki, fotodakı ət nəsə "sveji" ətə oxşamırdı. Bəlkə də mənə elə gəlir. Ümumilikdə yalnız HİCAZ çəkilişə icazə veribsə deməli ən azı düzgün işdiyirlər.
Niyaz tərəfindən 03-08-2012 tarixində yazıldı
Məncə də. Əgər digər sexlərdə halallıq gözlənilsəydi yəqin ki, çəkilişə icazə verərdilər. Ən azəndan bu onların reklamı olardı. Deməli nəsə şübhəli məqamlar var...
Elman Rza tərəfindən 07-08-2012 tarixində yazıldı
Ay millət onu da bilin ki, əti müsəlman kəsəndə halal olur. Çoxda i, onu kəsəndə üzü qibləyə və ya bismillah deyib kəirlər. Yoxsa ki, hamı deyir ki, mən müsəlmanam. Amma araşdırıb görürsən ki, bu olsa-olsa mənşəcə müsəlmandır. Mən kolbas və ya sosiska alıram və bilirəm ki, ki kimdən alıram. Yani onlara tam inanıram və bilirəm ki, onlar halal əti haramdan ayıra bilirlər. Yoxsa ki, kimsələr kimi "Əşi babalı onların boynuna deyib" alıb yemirəm. Sizə də məsləhətim odur. Adresi istəyirsinizsə deyə bilərəm: Sumqayıt 4 mkr, əhli beyt mağazasının yanındakı ət satılan yer
Rasim tərəfindən 13-02-2013 19:10:39 tarixində yazıldı
Salamu alekum
Hicaz Şirkəti barədə bizimdə məlumatımız var. onuda sizə bildirim ki Hicaz şirkətinin Şəriyət məsələlərinə baxan qardaş Şəryətə tam diqqət edəndir. həmən çəxsi biz şəxsən tanımasaqda onun barədə inanılan mənbələrdən eşetmişik.
celil bedelov tərəfindən 24-01-2014 09:51:07 tarixində yazıldı
2014
niye heyvani gostermiller
Cəfərov Murad tərəfindən 15-04-2014 13:59:27 tarixində yazıldı
Vəhabilər kimi murdardi :)
Bu elə vəhabi oğraşlarin işlərididə halal yazib üstüne satilar guya halaldi ALLAH sizlərin qövmunuzə lənət eləsin!
gulnare qambarov tərəfindən 02-11-2014 13:07:20 tarixində yazıldı
gulnare qambarov terefinden05052011tarixinde yazildi
yalan dyirler it eti qoyun eti at eti curuk etderden hazirlayirlar
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-12-2017 14:04

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru