Yazının XXXVII hissəsinə keçid

Bütün bu faktları necə təsdiq etmək olar? Bunların bir çoxunu işdə təsdiq etmək qeyri-mümkündür, çünki informasiyanın hamısı birbaşa kəşfiyyat xidmətlərinin dosyesindən götürülmüşdür. Lakin əməlli-başlı əziyyət çəksən, onda bu faktların heç olmasa bir hissəsini təsdiq edən çoxlu mənbə tapmaq olar. Bu iş özündə “Dan və Brodstrit korporasiyaları üzrə məlumat kitabı” (Dun and Broadstreet Reference Book of Corporations), “Standard and Poor's”  reytinq agentliyinin materialları, Böyük Britaniya və Amerikanın “Kim kimdir?” (“Who`s Who”) almanaxlarında üzüntülü axtarışları, eləcə də kəsişən adlar və onların korporativ əlaqələri ilə bağlı informasiyaların analizi üzrə gərgin çoxsaatlıq əmək ehtiva edəcəkdir.

Komitet 300-ün korporasiyaları, bankları və sığorta kompaniyaları fəaliyyət strategiyası və koordinasiyası sahəsində ağla gələ bilən bütün aspektlər üzrə vahid idarə və nəzarət altında fəaliyyət göstərir. Komitet – dünyada YEGANƏ təşkil olunmuş hakimiyyət ierarxiyasıdır və o, özlərini nə qədər güclü və müdafiə olunmuş hesab etsələr belə, bütün hökumətləri və şəxsiyyətləri üstələyir. O, maliyyə, müdafiə, eləcə də bütün çalarları və tipləri ehtiva edən siyasi partiyaları əhatə edir.

Elə bir təşkilat yoxdur ki, Komitet onun üzərində nəzarət qura bilməsin, özü də bu təşkil olunmuş dünyəvi dinlərə də aiddir. Deməli, bu, hakimiyyət mərkəzi Londonda və London Sitisinin maliyyə mərkəzlərində yerləşən hər şeyə qadir OLİMPİYAÇILAR QRUPUDUR. Onlar bütün mineralların, metalların və qiymətli daşların, kokain, tiryək və farmasevtik narkotiklərin mülkiyyətçisidir, hər cür kult və rok-musiqi onların nəzarəti altındadır. Britaniya Taxt-tacı – bu, hər şeyin başlanğıcında duran nəzarət mərkəzidir. Bir məsəldə deyildiyi kimi: “Hər bir kökədə onların barmağı var” (“They have a finger in every pie”).

Heç bir şübhə yoxdur ki, rabitə və telekommunikasiya sahələrinə sərt qaydada nəzarət olunur. RCA-ya qayıdaraq, biz, onun direktoratının Böyük Britaniya və Amerikanın tanınmış hökumət və ictimai xadimlərindən ibarət olduğunu, “Beynəlxalq Münasibətlər üzrə Şura” (CFR), NATO, “Roma Klubu”, “Üçtərəfli Komissiya”, Frankmasonçuluq, “Kəllə və sümüklər”, “Bilderbergerlər”, “Dəyirmi Masa”, “Milner Cəmiyyəti” və “İezuit-Aristotel Cəmiyyəti” (Jesuits-Aristotle Society) və s. bu kimi təşkilatlarda da mühüm postların elə onlar tərəfindən tutulduğunu aşkar edirik. Londona köçən David Sarnoff, həmin vaxtda isə Nyu-Yorkda RCA-nın binasına köçən Uilyam Stefenson da onların arasında idi.

Amerikanın əsas üç telekompaniyasının hər biri, xüsusilə də onlardan birincisi olan “National Broadcasting Company” (NBC = MYK, Milli Yayım Kompaniyası) RCA-nın əsasında meydana çıxmışdır. Ondan dərhal sonra 1951-ci ildə “American Broadcasting Company” (ABC = AYK, Amerika Yayım Kompaniyası) meydana çıxdı. Üçüncü iri televiziya kompaniyası “Columbia Broadcasting System” (CBS) oldu ki, onun bacı-kompaniyalarında olduğu kimi, burada da Böyük Britaniya kəşfiyyatı başçılıq edirdi və indi də başçılıq etməkdə davam edir. Uilyam Peyli (William Paley) beyinlərin kütləvi surətdə yuyulması texnikasına “Tavistok İnsan Münasibətləri İnstitutunda” yiyələnmişdir və yalnız bundan sonra o, CBS-nin rəhbəri olmaq üçün kifayət qədər kvalifikasiyalı mütəxəssis hesab olunmuşdur.

Birləşmiş Ştatlar xalqı bircə biləydi ki, bizim əsas televiziya kompaniyalarının verilişləri Böyük Britaniya senzurasına məruz qalır, onların verdikləri bütün informasiya isə əvvəl razılıq almaq üçün Londona göndərilir... Qeyd etmək maraqlı olardı ki, “Stenford Tədqiqat İnstitutu” tərəfindən yazılan və “Dolça Sui-Qəsdi” kimi tanınan “Tavistokun” kəşfiyyat xarakterli məruzəsinin maliyyələşdirilməsində hər üç televiziya kompaniyası iştirak etmişdir.

Əsas telekompaniyaların hər üçü Komitetdə təmsil olunmuşdur. Onların Nyu-York ştatının Roçester şəhərində yerləşən kütləvi kommunikasiyalar sahəsinin nəhəngi olan “Xerox Corporation” (“Kseroks Korporasiyası”) ilə sıx əlaqələri mövcuddur. “Xerox Corporation” kompaniyasının nümayəndəsi Robert M. Bek (Robert M. Beck) Komitetin üzvüdür. Bek həm də “Londonun Prudential Assurance Company Limited” kompaniyasının törəməsi olan “Prudential Life Insurance Company” şirkətinin direktorlarından biridir. “Xerox Corporation” kompaniyasının İdarə Heyətinə həm də “American Express Company” şirkətindən - bu şirkət “yol çekləri” vasitəsilə narkopulların yuyulmasının əsas kanallarından biridir - Hovard Klark (Howard Clark), ABŞ-ın keçmiş Maliyyə Naziri Uilyam Saymon (William Simon) və  Komitet üçün Panama kanalı müqavilələri haqqında danışıqları aparan Sol Linovits (Sol Linowitz) daxildir. Linovits Komitet üçün dəyərli adamdır, çünki o, “Marine Midland Bank” və “Honkonq ənd Şanxay Bankinq Korporeyşn” (HSBC) vasitəsilə narkopulların yuyulması üzrə çox böyük təcrübəyə malikdir.

“Kseroksun” Direktorlar Şurasının daha bir üzvü Robert Sproull (Robert Sproull) bununla çox böyük maraq doğurur ki, o, “Roçester Universiteti”nin direktoru olarkən, Mərkəzi Kəşfiyyat İdarəsi vasitəsilə iş görən “Tavistok İnsan Münasibətləri İnstitutuna” “MK-Ultra” adı altında LSD ilə 20 illik eksperiment proqramımın keçirilməsi üçün, universitetin otaqlarından və avadanlığından istifadə etməyə icazə vermişdi. ABŞ-ın başqa 85 universiteti də öz otaqlarını və avadanlığını eyni məqsədlə təqdim etmişdilər. Nəhəng ölçülərinə baxmayaraq, “Kseroks” “Rank Organization” – Londonda yerləşən kompaniyaların konqlomeratıdır və Kraliça Yelizavetanın ailəsinin üzvlərinin tam şəkildə nəzarəti altındadır – ilə müqayisədə cırtdana oxşayır. “Rank Organization” –  bu, Londonda yerləşən kompaniyaların konqlomeratıdır və Kraliça Yelizavetanın ailəsinin üzvlərinin tam nəzarəti altındadırr.

Aşağıda “Rank Organization” konqlomeratının Direktorlar Şurasının ən mühüm üzvlərinin adları çəkiləcəkdir ki, onlar həm də Komitet 300-ün üzvləridir:

Lord Helsbi (Lord Helsby), “Midland Bank”ın – narkopulların klirinq palatası – sədri. Helsbi həm də  “Imperial Group” və “Commercial Finance Corporation” kompaniyalarının Direktorlar Şursında postlar tutur.

Ser Arnold Frans (Sir Arnold France), London metropolitenini idarə edən “Tube Investments” kompaniyasının direktorudur. Frans həm də ABŞ-ın “Federal Ehtitat Sisteminə” daxil olan bankları sərt nəzarətdə saxlayan “İNGİLTƏRƏ BANKI”-nın direktorlarından biridir.

Ser Dennis Maunten (Sir Dennis Mountain), “Eagle Star” kimi qüdrətli qrupun sədri və kral ailəsinin maliyyə kompaniyalarından biri olan “English Property Corp” kompaniyasının direktorlarından biridir.

“Rank Organization” konqlomeratının Direktorlar Şurasının üzvlərindən biri çox hörmətli Anqus Ogilvidir (Angus Ogilvie). Şotland ritallı Masonluğun başçısı olan Hersoq Kentskinin bacısı Şahzadə Aleksandra ilə evlənən “Kompaniyalar Knyazı” Ogilvi, Kraliça Böyük Britaniyanı tərk edəndə onun əvəzində ölkədə qalan adamdır. Ogilvi həm də “İngiltərə Bankı”-nın direktorlarından biri və nəhəng “LONRHO” konqlomeratının sədridir. Rodeziyada Yan Smit rejimini məhz “LONRHO” kompaniyası sarsıtdı ki, Robert Muqabe onun yerini tutsun. Bunun bahası Rodeziyanın xrom yataqları idi ki, dünya bazarına çıxarılan xromun ən keyfiyyətlisi məhz burada hasil edilir.

Siril Hamilton (Cyril Hamilton), “Standard and Chartered Bank”-ın (Lord Milner və Sesil Rodsun qocaman bankı) direktoru və “İngiltərə Bankı”-nın İdarə Heyətinin üzvüdür. Hamilton həm də “Xerox Corporation”, “Malta International Banking Corporation” (“Malta Cangavərlərinin Bankı”) korporasiyalarının Direktorlar Şurasının üzvü, Cənubi Afrika ölkəsinin ən iri banklarından olan “Standard Bank”-ın direktorlarından biri, eləcə də “Banque Belge d'Afrique” bankının Direktorlar Şurasının üzvüdür.

Lord O'Brien (Lord O'Brien of Lotherby), “British Bankers Association” (“Britaniya Banklar Assosiasiyası”) bankının keçmiş prezidenti, nüfuzlu “Morgan Grenfell” investisiya bankının direktoru, “Prudential Assurance”-nin Direktorlar Şurasının üzvü, “J. P. Morgan Bankının”, “İngiltərə Bankının”, “Beynəlxalq Hesablaşmalar Bankının” Direktorlar Şurasının üzvü, həmçinin də  “Unilever” kimi nəhəng konqlomeratın Direktorlar Şurasının üzvüdür.

Ser Rey Cedds (Reay Geddes), avtomobil şinlərinin istehsalı üzrə nəhəng “Dunlop” və “Pirelli” kompaniyalarının Direktorlar Şurasının sədri, “Midland Bank” və “International Bankının” Direktorlar Şurasının üzvü, eləcə də “İngiltərə Bankının” Direktorlar Şurasının üzvüdür.

 Bu nüfuzlu adamların neçəsinin “İngiltərə Bankının” direktoru olduğuna qiqqət yetirin - bu, Amerikanın maliyyə siyasətinə asanlıqla nəzarət etməyə imkan verir.

Bu təşkilatların və idarələrin, kompaniya və bankların əksəriyyəti qarşılıqlı surətdə bir-biri ilə elə bir dərəcədə bağlıdır ki, onları bir-birindən ayırmaq demək olar mümkün deyil. RCA-nın Direktorlar Şurasında yer tutan “Atlantic Richfield” kompaniyasının prezidenti Tornton Bredşou (Thornton Bradshaw) həm də NATO-nun, “World Wildlife Fund”-un (“Vəhşi Təbiətin Ümumdünya Fondu”), “Roma Klubunun”, “Aspen Humanitar Tədqiqatlar İnstitutunun” və “Beynəlxalq Münasibətlər üzrə Şuranın” üzvüdür. Bredşou həm də NBC telekompaniyasının sədridir. RCA-nın ən mühüm funksiyası isə hələ də Böyük Britaniya kəşfiyyatının maraqlarına xidmət etməkdir.

Senator Makkartinin Mərkəzi Kəşfiyyat İdarəsinin fəaliyyətinin araşdırılması üzrə təzəcə başladığı təhqiqatın dayandırılmasında həlledici rolu məhz Komitet 300-ün oynadığı faktı geniş kütlələrə məlum deyildir. Əgər MakKarti bu işdə uğur qazana bilsəydi, onda, çox ola bilsin, Kennedi bu gün də sağ-salamat olardı.

MakKarti təhqiqat üzrə öz komissiyasına sorğu-sual üçün Uilyam Bandini (William Bundy) çağırmağa hazırlaşdığını bildirəndə, Vaşinqton və London bir-birinə dəydi. Əgər onu and altında ifadə verməyə məcbur etsəydilər, Bandi sına və Böyük Britaniyanın oliqarxik dairələri ilə onların ABŞ hökumətindəki kuzenləri (“kuzen” – dayı, xala, əmi və ya bibi uşağı. - tərc.) arasında mövcud olan “xüsusi münasibətləri” faş edə bilərdi.

Buna yol vermək olmazdı. “Beynəlxalq İşlər üzrə Kral İnstitutu”na Makkarti ilə qurtarmaq tapşırığı verildi. “Beynəlxalq İşlər üzrə Kral İnstitutu” Makkartiyə hücuma başçılıq etmək üçün Allen Dallesi - Böyük Britaniyanın dekadent cəmiyyətinə tamamilə valeh olan adamı - seçdi. Dalles Makkartinin işini Patrik Limana və Riçard Helmsə tapşırdı. MakKartiyə qarşı fəaliyyəti müqabilində Helms bir müddət sonra MKİ-nin direktoru postu qismində mükafat aldı.

Prezident Eyzenxauer MakKartinin MKİ-yə bu güclü hücumunu dəf etməyi, “Beynəlxalq Münasibətlər üzrə Şura”nın üzvü və London cəmiyyətinin sevimlisi General Mark Klarka (Mark Clark) tapşırdı. Klark “Agentliyin Fəaliyyətinin Araşdırılması üzrə Xüsusi Komitə”-nin yaradılmasının zəruri olduğunu bəyan edəndən sonra təşəbbüs MakKartinin əlindən alındı. “Beynəlxalq İşlər üzrə Kral İnstitutu” tərəfindən təlimatlandırılan Klark Konqresin Nəzarət Komissiyasına “hökumətin kəşfiyyat agentliklərini vaxtaşırı yoxlamağı” məsləhət gördü. Hər şey Amerika üçün dərin faciə və MakKartinin təsadüfən Komitet 300 və onun Birləşmiş Ştatların həyatının bütün aspektlərini idarə etməsi ilə rastlaşa biləcəyindən qorxan britaniyalıların qələbəsi ilə başa çatdı.

“Lehman Brothers” və “Kuhn Loeb's” banklarının keçmiş sədri Piter G. Peterson (Peter G. Peterson) Mİ-6-nın keçmiş şefi Uilyam Vaysmana xidmət etmişdi və Böyük Britaniyanın kpal dairələrində yad adam deyildi. Piterson Böyük Britaniya kəşfiyyatının daha bir filialı – “Aspen Humanitar Tədqiqatlar İnstitutu” ilə bağlıdır.

Con R. Petti (John R. Petty) “Marine Midland Bank”-ın  prezidenti və Direktorlar Şurasının sədridir. Bu bankın narkotika ticarəti ilə əlaqəsi, “Honkonq ənd Şanxay Bankinq Korporeyşn” onun üzərində nəzarəti ələ alandan hələ çox-çox əvvəl qurulmuşdu. “Honkonq ənd Şanxay Bankinq Korporeyşn” bankı isə, çox guman, tiryək ticarətində bir nömrəli bankdır və bu mövqeni 1814-cü ildən tutur.

Lakin Komitet 300-ün mövcudluğuna dair mənim təklif edə biləcəyim ən yaxşı dəlil – bu, “Rank Organization” konqlomeratlarıdır ki, o, “Eagle Star”-la birlikdə, mahiyyət etibarilə, BRİTANİYA TAXT-TACI deməkdir. “Rank Organization” həm də Mİ-6-nın qara əməliyyatlar mərkəzidir. Komitet 300-ün bu iki kompaniyası Ülyahəzrət Kraliçanın dominionu olan Kanadaya tam şəkildə nəzarət edir və öz direktivlərinin həyata keçirilməsi üçün “saraya yaxın yəhudi” - Bronfmanlar ailəsindən istifadə edir.

Nominal olaraq Bronfman ailəsinin mülkiyyətində olan “Trizec Holdings” kompaniyası, əslində İngiltərə kraliçasının Kanadadakı mülkiyyətidir. Cənubi-Şərqi Asiyada bütün tiryək ticarəti bu və ya digər şəkildə Bronfman imperiyası ilə bağlıdır. Bu imperiya həm də heroinin Amerikaya gətirildiyi kanallardan biridir. Kanada müəyyən mənada İsverçrəyə bənzəyir – təmiz, ayaq dəyməyən qarlı landşaftlar, çox gözəl təbiət mənzərələri. Lakin bütün bunların altında genişmiqyaslı heroin ticarətinin çirkab və idbarlığından ibarət qalın təbəqə vardır.

Bronfmanlar – bu ailə Mİ-6-da “birinci eşelonun adamları” adlandırılan, müəyyən mənada, “şəbəkə qoruyucularıdır”. Onlara Londondan “kabinet adamları” (“deskmen” – hərfi tərcümə, “yazı masası adamları” – Mİ-6 kəşfiyyatçılarının mənzil-qərargahdan təşrif buyuran nəzarətçiləri müəyyən etmək üçün istifadə etdikləri jarqon ifadədir) nəzarət edir. Ailənin başçısı Edqar Brofman dəfələrlə “Moskvadakı mərkəzə” – Moskvada Dzerjinski meydanı, ev 2-də yerləşən KQB Baş İdarəsi Mİ-6-da üstüörtülü belə adlandırılırdı – göndərilmişdi.

Aşağı səviyyədə Moskva ilə kontaktlar üçün Bronfman, çox guman,  kifayət qədər faydalı adam idi. Bronfman heç vaxt Mİ-6-nın ştatlı agenti olmayıb və buna görə də heç vaxt fərdi “parolu” – agentlər arasında qarşılıqlı identifikasiya üçn açar-söz – olmayıb və bu da Bronfmanlar ailəsinin işgüzar başçısını bərk narahat edirdi. Belə bir mərhələ də olub ki, nəzarətçilər ailənin bəzi üzvlərinin özlərini şübhəli apardıqlarını guman edib, buna görə də ailəyə “baxanlar” (“watcher” – kəşfiyyatçılara məxsus jarqonda xarici müşahidə üzrə mütəxəssisləri ifadə edir) qoşulmuşdu. Lakin yalnız bu müəyyən edildi ki, Bronfmanlardan biri Birləşmiş Ştatlardan olan və Edqar Bronfmanın rolundan xəbəri olmayan “kuzenə” (Mİ-6-nın MKİ üçün termini) ağzından nə isə qaçırıbmış. Bu səhvi tez düzəltmək mümkün olmuşdu.

“Eagle Star” kompaniyasının iki direktoru – onlar da Mİ-6-nın həlledici əməkdaşlarından idi – Bronfmanlar ailəsini müharibə qurtarandan altı ay sonra nəzarət altına almışdı. Kitabın əvvəlində artıq rast gəldiyimiz Ser Kennet Keyt (Sir Kenneth Keith) və Ser Kennet Stronq (Sir Kenneth Strong) “Trizec Holdings” kompaniyasını təsis edərək Bronfmanlar ailəsini “qanuniləşdirdilər”. Özünün “birinci eşelonunun” fəaliyyətini kommersiya kompaniyaları vasitəsilə təşkil etmək sahəsində Mİ-6-nın dünyada tayı-bərabəri yoxdur.

Davamı var

Redaksiyadan: "Komitet-300" artıq kitab şəklində çapdan çıxıb və Bakı şəhərinin "Əli və Nino" kitab mağazasında satılır. Qiyməti 7 manatdır.