Yunansıtan lider Dimitris Hristofyas təsdiqiylə BMT-nin kompüter serverlərinin xaker hücumuna məruz qalması və telefonlarının dinlənməsi nəticəsində 6 min 500 səhifə gizli sənəd yunanların əlinə keçib. İstintaqı FBİ-in köməyi ilə tamamlayan BMT çox qəzəblidir. Kiprdə skandala səbəb olan kompüterlərdən oğurlanan məlumatlat və telefon dinləmələri əməliyyatı keçən il baş verib. Yunanıstan lideri Dimitris Hristofyasın təsdiqi və yunan kəşfiyyatı rəhbəri Andreas Kriakunun əmriylə əməliyyata başlayan agentlər, Lefkoşada "Holiday Inn" otelinə yerləşən BMT xüsusi nümayəndəsi Aleksandr Dovnerin xüsusi sekretarı Sonya Baçmannı yaxın təqibə alıb.

Baçmannın etibarını qazanaraq onun işlərini icra etməyə başlayan yaraşıqlı yunan agenti, gənc sekretarın hər hərəkətini rəhbərlərinə çatdırıb. İddiaya görə qısa müddətdə sekretarın məhəbbətini qazanan agent, əməliyyat tamamlandıqdan sonra birdən yoxa çıxıb. Yaraşıqlı agent, Dovnerin keçirdiyi bütün rəsmi görüşlərin protokollarını toplayan İtalya əslli isveçrəli Baçmannın gündəlik proqramının hamısını bilirdi. Yunan agentlər əvvəl Baçmannın, dizüstü kompüterinə internet bağladığı oteldəki "Business Center"in ana kompüterinə xüsusi bir casus proqramı yerləşdirib. Bu cür proqramlaşdırmanı hazırlamaq üçün, kompüter sahibinin təyin etdiyi şifrənin də öyrənilməsi şərtdir. Casus proqramı ilə Baçmannın BMT serverlərindən istifadə etdiyi elektron məktub şifrələrini ələ keçərən yunan agentlər, PDF formatındakı 15 fayl içində 6 min 500 səhifəlik gizli sənədləri oğurlayıblar.

Yunanıstan kəşfiyyatı kiprli türklər ilə müzakirələri icra edən Dovnerə təzyiq etmək üçün Hristofyasın sağ qolu Yorqo Yakavunun ailə dostu Kostas Venizelos rəhbərliyindəki "Fileleftheros" qəzetinə sənədləri hissə-hissə ötürməyə başlayıb. "Fileleftheros" qəzeti, sızıntının qaynağı mövzusunda BMT-ni aldatmaq üçün New York müxbirinin imzasıyla sənədləri yayımlayıb.

Yunanların oğurladığı sənədlər arasında Aleksandr Dovnerin xarici işlər naziri Əhməd Davutoğlu və Cənubi Kipr prezidenti Mehmet Ali Talat ilə keçirdiyi xüsusi görüşlərin protokolları da olub. Yunan qəzetləri və televiziylarında Dovnerin Türkiyə lehinə hərəkət etdiyi eyhamları edilməyə başladı. İlk sızan sənədlər arasında BMT-nin referendumda, həm yunan, həm də türk tərəfindən lehində və əleyhində hərəkət edəcək yunan siyasi qrupları və kilsə mənsublarının siyahısı da olub. Yunan kəşfiyyatı bundan əlavə BMT işçilərinin telefonlarınıda qulaq asıblar.

Dovner, hadisədən sonra Hristofyas ilə görüşüb. Hristofyas, mövzuyla əlaqələri olmadığını bildirib və istintaq aparılacağına söz verib. Yunanıstan lideri hətta "dərin dövlət əməliyyatı" iddiasında olub. Hristofyası "dərin dövlət" yalanı həm yunan, həm də Türkiyə mediasında yayılıb. Ancaq BMT, gizli sənəd oğurlarını tapmaq üçün ABŞ-dan kömək istəyib. FBİ kompüter mütəxəssisləri, Baçmannın kompüterinə, adada olmadığı vaxtlarda 11 dəfə qeyri-qanuni daxil olunduğunu aşkar edib. Girişlərin hamısı Kiprdən edilib. FBİ hesabatında yaraşıqlı agentin adı da bildirilib və Hristofyası günahlandıran hesabat Dovnerə təqdim edilib. Yunanıstan indi bu xəbərlərlə çalxalanır. Hadisəsni örtbas edən yunan rəhbərliyinin skandalın məclisdə  müzakirə edilməsinə maneə törətdiyi də gələn xəbərlər arasındadır.

OĞURLANAN GİZLİ SƏNƏDLƏR

Yunan qəzetləri və televiziyaları, oğurlanan gizli sənədləri hissə-hissə nəşr edirdi. Hristofyası çətin vəziyyətdə qoyan sənədlər, yunan kəşfiyatı tərəfindən ələnilib mətbuata verilirdi. Sənədlərdən bəziləri belədir.

"Xarici işlər naziri Davutoğlunun 17 mayda Dovner görüşü.
Dovner Davutoğluna yunan lideri Hristofyasın koalisiya qurduğu DİKO və EDEK partiyalarının sülh tərəfdaşı olmadığını söyləyib."

"Dovnerin Talat ilə 3 avqust saat 12.00-da keçirdiyi görüşün protokolları." "Dovner bildirib ki, "kiprli türklər (referendumda "hə" deməslər) təcrid olunacaqlar və Avropa birliyinə daxil olamayacaqlar. Kiprli yunanlar isə, həll və ya daimi bölünmək və birləşmiş Kipr yuxusunun sonu arasında qərar verəcəklər ("yox" desələr)."

"BMT baş katibinin siyasi məsələlər üzrə müşaviri Lynn Pascoe və ABŞ-ın Cənub Kipr səfiri Frank Urbankikin 31 iyulda New Yorkdakı xüsusi görüş protokolları."