Mərhum Türkiyə prezidenti Turqut Özalın həyat yoldaşı Semra Özal bildirib ki, "Mən həyat yoldaşımı zəhərlədiklərini düşünürəm". Faktxeber.com-un "Kanaltürk" telekanalına istinadən verdiyi məlumata görə, telekanalda "Mərkəz Siyasəti" proqramında telefonla əlaqəsi ilıə iştirak edən Semra Özal şok açıqlamalar verib.
- Təcili yardım olsaydı xəstəxanaya xərək ilə gətirilərdi. Qarsonu və köməkçisi qucaqlayaraq iş avtomobili ilə aparmışlar. Orada həkim yox idi.

- Xəstəxanaya iki nəfərin qollarında gətirildi. Bu kadrlar hələ də mövcuddur. Bir televiziya kanalında izlədim təcili yardım gəlsə idi xəstəxanaya xərək ilə gətirilərdi.

- Mən həyat yoldaşımın zəhərləndiyini düşünürəm.

- Turqut Bəyin həyatında yemədiyi iki şey vardı: Biri quru fasülyə digəri limonata.

- Kaya Toper və yanındakı iki nəfər koktey içməyə getmək üçün israr etdilər. İsrarlardan sonra oraya getdilər.

- Axşam evə gələndə ona yemək hazırlamışdım.  Mənə bir şey yeməyəcəyini söylədi. Hər şey ondan sonra başladı.

Nərgiz Kazımlı