Mustafa Kamal Atatürkün şəxsi yaxtası olan “Savarona”da fahişəxananın fəaliyyət göstərdiyi barədə sizlərə məlumat vermişdik. Həmin yaxtaya polisin etdiyi basqın zamanı orada olan bir nazir diplomatik pasport sayəsində polis bölməsindən çıxaraq ölkəsinə qayıtmışdı.

Faktxeber.com-un Rusiya mediasına istinadən verdiyi məlumata görə, həmin siyasətçi Qazaxıstanın xarici işlər naziri Kanat Saudabayev imiş. Qazaxıstan mətbuatı, gəmidə Qazaxıstan xarici işlər naziri, Avropa Təhlükəsizlik və Əməkdaşlıq Təşkilatı (AGİT) rəhbəri Kanat Saudabayevlə iqtidardakı Nur Odan Partiyasının üzvü və baş nazir məsləhətçisi Bircan Murataliev Ravşanoviçin də olduğunu bildirir.

Xatırladaq ki, Atatürkün həyatının son dövründə istifadə etdiyi “Savarona” yaxtasına təşkil edilən basqından sonra yaxta sahibi Kahraman Sadıkoğlu açıqlama verərək, gəmini qazax əsilli amerikalı iş adamı Tofiq Arifin icarəyə götürdüyünü bildirib.

Rusiya mətbuatının yaydığı məlumatda həmçinin bildirilir ki, türk jandarması Egey dənizində üzən “Savarona” yaxtasına xüsusi əməliyyat təşkil edərkən amerikalı iş adamı Tofiq Arif həbs olunub. Əməliyyatda Dünya Yəhudi Konqresi üzvü olan və "PETKİM" tenderində iştirak edərək Türkiyədə gündəmə gələn yəhudi iş adamı Aleksander Maşkeviç də həbs olunub. Eyni istintaq daxilində Antaliyada 1.5 milyard dollara tikdirdiyi "Mardan Palace" oteli ilə gündəmə gələn və “Savarona” kef məclisinə qatıldığı iddia edilən iş adamı Telman İsmayılov (AST Telman – red.) da ifadə verib. Jandarma basqının ən əhəmiyyətli adı isə 1992-1996-cı illər arasında Qazaxıstanın Ankara səfiri vəzifəsini icra edən və hal-hazırda xarici işlər naziri olan Kanat Saudabayev və Nur Odan Partiyasının üzvü olan Bircan Murataliev Ravşanoviç idi.

Yaxtada fahişəliklə məşğul olan 15 ukraynalı və rusiyalı qızla birlikdə sorğuya cəlb edilən qazaxıstanlı diplomatlar əvvəl beynəlxalq skandala səbəb olmaması üçün şəxsiyyətlərini gizlədiblər. Ancaq daha sonra diplomatik (qırmızı) pasportlarını göstərərək, ölkələrinə dönmək istədiklərini bildiriblər. Diplomatların həbs edilməsindən sonra Türkiyə və Qazaxıstan rəsmiləri arasında gərgin telefon danışıqları aparılıb. Nəticədə xarici işlər naziri ilə baş nazir məsləhətçisi xüsusi təyyarə ilə ölkələrinə göndəriliblər. Türkiyə mətbuatında bu iki nazirdən heç biri barədə məlumat verilməyib.

Rusiya qaynaqlarına görə, Ankara, Qazaxıstan hökuməti ilə əməkdaşlıq çərçivəsində nazir və nazir məsləhətçinin adının çəkilməməsi üçün jandarmaya qəti təlimat verib. Lakin hadisədən uzun zaman keçməsinə baxmayarq, Rusiya mətbuatı bu skandal hadisəni ifşa etməyə nail olub. Astanada yüksək çinli hökümət rəsmiləri “Savarona” yaxtasında olan diplomatik pasportlu şəxsin xarici işlər naziri və AGİT rəhbəri Saudabayev olduğunu təsdiqləyib.