Rusiyanın "Vedomosti" qəzeti yazır ki, Azərbaycan Rusiyadan 300 milyon dollara iki divizion C-300 PMU-2 "Favorit" zenit-raket kompleksi almağa başlayıb.
30-07-2010
Rusiyanın «Vedomosti» qəzeti yazır ki, Azərbaycan Rusiyadan 300 milyon dollara iki divizion C-300 PMU-2 «Favorit» zenit-raket kompleksi almağa başlayıb.
Polkovnik-leytenant Üzeyir Cəfərov bu kompleks haqda bunları deyir: «C-300 zenit-raket kompleksi hücum silahı deyil. O, vacib inzibati və hərbi obyektlərin qorunması üçündür. Azərbaycanı istəməyənlər bu kompleksin alınmasını guya Azərbaycanın müharibəyə hazırlaşması kimi yozurlar, ancaq bu, müdafiə silahıdır. Rusiya bu kompleksi Ermənistana çoxdan verib. Ermənistanın arsenalında bu silah var.
C-300 kompleksini yeni silah kimi qələmə vermək də düzgün deyil. C-300 kompleksi hələ 1979-cu ildən istehsal olunur».
-300 PMU-2 «Favorit» C-300-ün təkmilləşdirilmiş variantıdır. O, 1997-ci ildə təqdim olunub. Kompleks 195 km məsafədə 300-dək hədəfi nəzarətdə saxlayır. Eyni vaxtda 36 hədəfi vura bilir.
Rusiyanın özü 2004-cü ildən C-400 sisteminə keçib.
