Avrokuboklarda mübarizəni davam etdirən yeganə təmsilçimiz “Qarabağ” bu gün yeni tarix yazmaq üçün ilk sınağına çıxıb. UEFA Avropa Liqasının üçüncü təsnifat mərhələsinin ilk oyunları çərçivəsində bu gün Bakı vaxtı ilə saat 23:00-da, Krakov şəhərindəki “Hutnik” stadionunda Polşa “Visla”sı ilə qarşılaşan "Qarabağ" 1:0 hesablı qələbə qazanıb. Oyunun 68-ci dəqiqəsində meydana daxil olan Vüqar Nadirov 20 saniyə sonra qol vurub. Oyunu yüksək səviyyədə keçirən Fərhad Vəliyev isə 90-cı dəqiqədə Juravskinin penalti zərbəsini dəf edib.

Avropa Liqası (üçüncü təsnifat mərhələsi, ilk oyun)

 “Visla” (Polşa) – “Qarabağ” (Azərbaycan) - 0:1

Polşa. Krakov. “Hutnik” stadionu.
Hakimlər: TOM HARALD HAGEN, Sveyn İnqe Uiken, Sven Erik Midtyell, Kristoffer Helqerud (hamısı Norveç).
Hakim-inspektor: Peter Cons (İngiltərə).
UEFA nümayəndəsi: Buyar Kasmi (Albaniya).

«Visla»: Milan Yovaniç, Erik Çikoş, Mateuş Kovalski, Qordan Bunoza, Petr Brojek, Rafal Boquski, Radoslav Sobolevski, Tomaş İrşak, Draqan Paliç, Pavel Brojek, Matsey Juravski.

“Qarabağ”: Fərhad Vəliyev, Maksim Medvedyev, Rəşad Sadıqov, Admir Teli, Ansi Aqolli, Rəşas Sadiqov, Ruslan Abasov, Əfran İsmayılov, Georgi Adamiya (Aslan Kərimov, 90+2), Andrey Rubins (Emin İmaməliyev, 41), Rauf Əliyev (Vüqar Nadirov, 68).

Qol: Vüqar Nadirov (68) 

Qırmızı vərəqə: Bunozo (qırmızı vərəqə)

Fərhad 90-cı dəqiqədə Juravskinin penaltisini dəf edir.