İtaliyada dövlətin ən üst mövqelərini ələ keçərən masonların, əslində ABŞın NATO ölkələrindəki gizli ordusu olaraq bilinən Gladyoçular olduğu ortaya çıxıb!
Masonlarla Gladyoçular arasındakı əlaqəni ortaya çıxaran bir sənəd ortalığı bir-birinə qatıb.1970-ci illərdə İtaliya siyasətində zəlzələ təsiri yaradan P2 adlı mason lojasının davamı mövqeyindəki P3-ün ortaya çıxarılması sadəcə italyanları deyil, Türkiyənin də aralarında olduğu NATO üzvü olan bütün ölkələri şoka saldı!
FaktXeber.com-un verdiyi məlumata görə, indi İtaliyada prokurorlar, hakimlər, iş adamları və vəkillərdən ibarət P3-ün zirvəsindəki "Sezar" kod adlı adamın baş nazir Berlusconi olduğu düşünülür. İddiaya görə, Berlusconinin bir neçə ay əvvəl hücuma məruz qalmasının arxasında da məhz bu amil dayanır.
İtaliya tarixinin ikinci böyük "dərin dövlət" skandalıyla üzləşib. İtaliyalı prokurorlar, 1970-ci illərdə ölkədəki siyasətin çirklənməsində və sui-istifadələrin təməlində yer aldığı müəyyən olunan və "dövlət içində dövlət" olaraq xarakterizə edilən P2 mason lojasının çökdürülməsindən 29 il sonra bir daha buna bənzər skandalla çalxalanır. Siyasətə və iqtisadiyyata təsiretmə məqsədiylə dərin və gizli təşkilatlanma iddiasıyla İtaliya Ali Məhkəməsi tərəfindən başladılan istintaq, iş adamları, siyasətçilər və mühakimə mənsublarının bu gizli təşkilatın üzvü olduğunu ortaya qoydu. Təşkilatın qurucusu olduğu sübut olunan və əvvəllər də P2-nin yaranmasında iştirak edən biznesmen Flavio Carboni başda olmaqla, onlarla iş adamı istintaq üçün nəzarətə alınıb. Skandalla əlaqəsi olduğu ortaya çıxan iqtisadiyyat nazirinin köməkçisi Nicola Cosentino istefa vermək məcburiyyətində qaldı. İtaliya Baş Prokurorluğu, Milano Apelyasiya Məhkəməsi başçısı Alfonso Marra başda olmaqla telefon dinləmələri qeydə alınan prokuror və hakimlərin ifadələrini almağı qərarlaşdırdı. Ədalət Nazirliyi Təftiş Qurumu başçısı Arcibaldo Müller və Milano prokurorlarından Nicola Cerratonun da haqqlarında istintaq açılan mühakimə mənsubları arasında olduğu açıqlandı. Keçmiş Ali Məhkəmə başçısı Vincenzo Carbone, Lombardia valisi Roberto Formigoni, senator Marcello Dell'Ultri də ifadəsi alınacaq şəxslərdəndir.
Telefon qeydlərində P3 üzvlərinin öz aralarındakı danışıqlarda təşkilatın zirvəsində olduğu iddia edilən baş nazir Silvio Berlusconidən "Sezar" deyə bəhs etdikləri iddiası isə gündəmi ən çox məşğul edən məsələlər slrasındadır. Baş nazir Berlusconi dünən vəkili vasitəsilə yayımladığı açıqlamada iddiaların tamamilə yalan olduğunu sərt şəkildə bəyan edib. O, P3 istintaqında iştirak edəcəyinə istiqamətli iddiaları da rədd edib. Berlusconi, müxalifətə və mətbuata qarşı da fikirlər səsləndirərək, "Ortada məni və hökuməti hədəfə alan utancverici bir fantastika var. Seçki nəticələrini mühakimə yoluyla tərsinə çevirmək istəyirlər" - deyib. Baş nazirin vəkili Niccolo Ghedini, şübhəlilərin telefon danışıqlarında Berlusconidən "Sezar" deyə bəhs olunduğu istiqamətindəki iddianın həqiqəti əks etdirmədiyini söyləyib. Ghedini, "Sezarın Berlusconiylə əlaqəsi yoxdur. İddialar əsassızsır" fikirini müdafiə edib. Bu iddiaları yayımlayan mətbuat orqanlarına təzminat iddiası açılacağını bildirib.
Xatırladaq ki, İtaliya 1981-ci ildə P2 Gizli Mason Lojası skandalıyla sarsılmışdı. Licio Gellinin 1970-ci illərdə qurduğu P2, ölkədəki bir çox maliyyə skandalının və qaranlıq siyasi manevrlərin memarı olduğunun ortaya çıxarılmasından sonra 1981-ci ildə ləğv edilmişdi. P2 skandalına qarışmış şəxslərdən biri olan 78 yaşlı Carboninin, indi P3 adı altında yeni bir gizli təşkilatın rəhbəri olduğu iddia edilir. İş adamları, siyasətçilər və bəzi mühakimə mənsublarını tərkibində olduğu gizli təşkilatın istintaqının yaxın günlərdə daha da genişlənəcəyi bildirilir.
