ASDP həmsədrinə görə, nə qədər ki, hazırkı müxalifət öz missiyasını yerinə yetirmək əvəzinə siyasi oyun oynayır, mövcud iqtidar da o vaxta kimi hakimiyyətdə qalacaq

Azərbaycanda qanunlar işləmir, insan haqları kobud şəkildə pozulur, söz azadlığı boğulur, demokratik dəyərlər yox səviyyəsindədir, məmur özbaşıalığı adi hala çevrilib, bahalaşma həddini aşıb, Qarabağın taleyi fələyin ixtiyarına buraxılıb. Ölkə hakimiyyəti özünün müəyyən etdiyi siyasi kursu yerinə yetirməyən məmurları müxtəlif vasitələrlə ya istefaya, ya da zindana göndərir. Bəzən hansısa məsələ ilə bağlı haq səsini qaldırmağa çalışan insanlar polis zopası ilə susdurulur. Bununla cəmiyyətdə sanki xof yaratmağa çalışırlar. Adətən görmüşük ki, başqa ölkələrdə taleyüklü məsələlərlə əlaqədar qərarların qəbul olunmasında müxalifət müəyyən rol oynayır, iqtidara təzyiq göstərir, dövlətin, eləcə də demokratik cəmiyyətin inkişafında iştirak edir. Amma Azərbaycanda bu da yoxdur. Daha doğrusu, müxalifət var, ancaq fəaliyyəti, iqtidara qarşı gücü hiss edilmir.

Təəssüf ki, öz­lə­ri­ni "ana mü­xa­li­fət" ad­lan­dı­ran Qərbyönlü par­ti­ya­lar yalnız seçkilər ərəfəsində fəallaşır. Onlar gah analoqu olmayan aksiyalar keçirəcəklərini, gah da müx­tə­lif bir­lik for­ma­la­rı ax­ta­rıb tapmağa ça­lı­şdıqlarını bəyan edirlər. Amma za­man gös­tə­rib ki, Azərbaycanda fə­a­liy­yət gös­tə­rən həmin siyasi qurum­lar gün­dəm­də öz yer­lə­ri­ni qo­ru­yub saxlamaları üçün hə­mi­şə bu və ya di­gər ide­ya­lar irə­li sü­rüb­lər. Bu ba­xım­dan ölkədə si­ya­si qüv­və­lə­rin bir ara­ya gəl­mə­si, va­hid bir plat­for­ma ət­ra­fın­da bir­ləş­mə­si, mil­li dəyərləri, de­mok­ra­ti­ya mə­sə­lə­si­ni va­hid mövqedə mü­da­fiə et­mə­si hə­mi­şə səs­lə­nib. An­caq son an­da ge­ri çə­ki­lib­lər. Və tə­əs­süf ki, bu tək­li­fi irə­li sü­rən­lər adə­tən onun re­al­laş­ma­sı­nı de­yil, hə­min tək­lif­lər va­si­tə­si­lə gün­dəm­də qal­ma­ğı, bey­nəl­xalq bir­lik­lər tə­rə­fin­dən bu və ya di­gər şə­kil­də mad­di yar­dım­lar al­mağı, seç­ki­lər­də də yal­nız hə­min yar­dım­la­rın əl­də edil­mə­si va­ri­antla­rı üzə­rin­də dü­şü­nür­lər.

Prob­le­min digər ma­hiy­yə­ti on­dan iba­rət­dir ki, Azər­bay­can­da cə­miy­yə­tə əsas mü­xa­li­fət par­ti­ya­la­rı ki­mi təq­dim olu­nan qüv­və­lə­rin heç bi­ri müs­tə­qil de­yil. Ona gö­rə də gös­tə­riş ve­ri­lən­də öz­lə­ri­nin tək­lif­lə­rin­dən tez bir zamanda ge­ri çə­ki­lir­lər. Ümumiyyətlə, fə­a­liy­yət gö­rün­tü­sü ya­rat­ma­ğa çalışan bu dü­şər­gə­nin rəh­bər­li­yi bir ye­rə yı­ğı­şa­raq mü­za­ki­rə­lər apar­sa­lar da, üs­tün­dən bir ne­çə gün keç­mə­miş mət­bu­at­da bir-bi­ri­lə­ri­nin əley­hi­nə kompra­mat­lar söy­lə­yir­lər. Öl­kə ictimaiyyəti isə nə onların fəaliyyətinə, nə də ittihamlarına heç cür re­ak­si­ya ver­mir. Bu isə elek­to­ra­tın tamamilə iti­ril­mə­si de­mək­dir.

Məsələ ilə bağlı münasibətini bildirən ASDP həmsədri Araz Əlizadənin qənaətinə görə, nə qədər ki, mü­xa­li­fət par­ti­ya­la­rı öz missiyasını yerinə yetirmək əvəzinə siyasi oyun oynayır, mövcud iqtidar da o vaxta kimi hakimiyyətdə qalacaq. Onun dediklərindən belə anlaşıldı ki, hazırkı şərait müxalifəti qane edir. «Sadə dillə desək, sənin vəziyyətin yaxşıdırsa, onda onu dəyişmək fikrin olmur. Amma hər halda iqtidarla müxalifətin yerinin dəyişməsi üçün əvvəlcə cəmiyyət dəyişməlidir. Cəmiyyətin dəyişməsi üçün isə hər bir azərbaycanlı dərk etməlidir ki, o kölə deyil, azad insandır. Yəni Azərbaycan vətəndaşları bilməlidirlər ki, onlar ilk növbədə insandırlar. Özünün insan olduğunu dərk edən məxluq əlbəttə ki, hüquqlarını tələb edəcək. Təəssüf ki, xalqımız haqq və hüquqlarının müdafiəsinə, demokratik dəyərlərin inkişafına cəhd göstərmir. Bir sözlə, hər bir millət, hər bir xalq öz iqtidarına layiqdir».