Xəbər Lenti

İnfoqrafika

Arxiv

Yazar

31 İyul

2019
15:00
560
11 Sentyabr terrorunun təşkilatçısı Səud rejiminə qarşı ifadə vermək istəyir

Vaşinqtonun 2001-ci ildə Dünya Ticarət Mərkəzində baş verən terror hadisələrinin əsas təşkilatçısı adlandırdığı Xalid Şeyx Məhəmməd edam cəzasının ləğv edilməsi müqabilində Səudiyyə Ərəbistanına qarşı ifadə verməyə hazır olduğunu bildirən məktub yazıb. 

FaktXəbər-in məlumatına görə, bu barədə"The Wall Street Journal" yazıb.

Məhəmmədin təklifi Federal Məhkəməyə əlavə edilmiş sənədlər sayəsində məlum olub. Həmin sənədlərdə Səudiyyə hökuməti 2001-ci il 11 Sentyabr terror hücumlarının koordinasiyasında iştirakda ittiham edilir.

Xalid Şeyx Məhəmməd sözügedən məktubu Quantanamo həbsxanasından yazıb və Manhetten Federal Məhkəməsinə göndərib. Qəzet yazır ki, Məhəmməd məktubda Səudiyyə Ərəbistanını Əl-Qaidə terror qruplaşmasını maliyyələşdirməkdə ittiham edən terror hücumu qurbanlarının yaxınlarının birgə fəaliyyətinə dəstək verməyə hazır olduğunu bəyan edib.

Xatırladaq ki, Əl-Qaidə hücumların məsuliyyətini öz üzərinə götürmüşdü. Əvvəllər özünü Əl-Qaidə Hərbi Şurasının başçısı adlandıran Xalid Şeyx Məhəmməd 2003-cü ildə tutulub və 2006-cı ildən Quantanamoda saxlanılır.

Məhəmmədin vəkili müvəkkilinin hazırda and içərək ifadə verməyə hazır olmadığını söyləyib. 

Terror hücumunun qurbanlarının yaxınları Səudiyyə Ərəbistanını Əl-Qaidə terror təşkilatını maliyyələşdirməkdə və dəstəkləməkdə ittiham edirlər. Təxminən 800 nəfər Səudiyyə rejimindən təzminat tələb etmək iddia qaldırıblar.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan neftinin qiyməti 62 dollara yaxınlaşıb

17

Avqust
13:00
İQTİSADİYYAT
230

Sabah Bakıda 34 dərəcə isti olacaq

17

Avqust
11:09
ÖLKƏ
1119

Dünya bazarlarında neft bahalaşıb

17

Avqust
10:12
İQTİSADİYYAT
295

Turistlərə Xınalıqla bağlı xoş xəbər

16

Avqust
14:51
İQTİSADİYYAT
446
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-08-2019 10:48



  (+994 55) 786-96-84

  [email protected]

Valyuta.com

Рейтинг@Mail.ru