Qabil Hüseynli: "Ərdoğan Rusiyanı müəyyən vasitələrlə razılaşdırsa da, Amerika və Fransa tərəfləri bu məsələyə necə reaqsiya verəcəyi bəlli deyil"
Yaşar Əsədov: "Dağlıq Qarabağ münaqişəsinin həlli Minsk qrupu çərçivəsində deyil, tam başqa bir formada Ermənistan Azərbaycan arasında müzakirə olunması etməsi daha effektli olar"
14-01-2010
Bildiyimiz kimi Türkiyənin baş naziri Rəcəb Tayyib Ərdoğanın Moskvaya səfəri və orada Dağlıq Qarabağ münaqişəsinin həlli istiqamətində aparılan danışıqlar politoloqlar və ekspertlər tərəfindən müzakirə obyektinə çevrilib. Belə ki, birmənalı izah olunmayan müzakirə müxtəlif tərəflərdə şərh olunur. Sözügedən məsələ ətrafında fikirlərini FaktXəbərə açıqlayan politoloq Qabil Hüseynli hesab edir ki, cari ilin yanvarında keçiriləcək prezidentlərin görüşündə danışıqların əsas hissəsi ola bilər: “Azərbaycanın beş rayonunun qaytarılmasının qarşısında Dağlıq Qarabağın statusu müzakirə olunması tələb edilir. Bu da fikir ayrılığı yaradan məsələdir. Çünki, biz Dağlıq Qarabağ statusunu Azərbaycanın ərazi bütövlüyü çərçivəsində həllini istəyir. Həmsədr ölkələr isə Qarabağ ermənilərinin öz müqəddiratını həll etmə prinsipi əsasında referendom yolu ilə hüquqlarını müdafiə etməsini təklif edirlər. Rusiyalı həmsədr beş rayonun qaytarılmasını ehtimallara söykənərək deyir”.
Q.Hüseynli vurğuladı ki, Rusiyanı müəyyən vasitələrlə razılaşdırsaq da, Amerika və Fransa tərəfləri bu məsələyə necə reaqsiya verəcəyi bəlli deyil: “Ərdoğan Rusiyanın fikirini dəyişməyə təsir edə bilər, bu nəticənin dəyişəcəyi deməkdirmi? Əsas problem burada cəmləşir”.
Azərbaycan Sosial Demokrat Pariyasının sədr müavini Yaşar Əsədov, hər halda Türkiyə-Rusiya münasibətlərinin yaxınlaşmasını Azərbaycanın xeyirinə olduğunu bildirdi: “Məlum görüşdə üzdə olan əsas məsələ qarşılıqlı münasibətlərin inkişafı idi. Lakin müzakirələr zamanı Qarabağ münaqişəsi də aparıcı mövzu ola bildi. Bildiyimiz kimi, uzun illər sürən bu məsələnin həlli bir çox ölkələrin maraqlarından asılıdır. Burada həm Türkiyə, həm də Rusiya xüsusi maraq əhatəsindədir. Beləki, Türkiyənin Ermənistan, Rusiyanın da Cənubi Qafqaz məsələlərində mövqelərinin qorunmasında bəzi zəmanətlərə ehtiyacları var. Bundan əlavə ABŞ, Böyük Britaniya, Fransa kimi ölkələr də Azərbaycan dayanıqlı və möhkəm maraqlara malikdirlər. Bu maraqların ortaq məxrəcə gəlməsi isə problemin həlli deməkdir”.
Y.Əsədov əlavə etdi ki, münaqişənin həlli Minsk qrupu çərçivəsində deyil, tam başqa bir formada – Ermənistan Azərbaycan arasında davam etməsi daha effektli olar: “Çünki Minsk qrupu bu problemi həll etmək iqtidarinda deyil. Sadəcə olaraq, münaqişəni donmuş vəziyyətdə saxlamağa hesablanmış bir təşkilatdır”.
