FaktXəbərin məluatına görə, Fələstinli vətəndaşlarla qarşılaşdıqda necə davranmağı bilməyən və bu səbəbdən hərbçi xaxamlara internet vasitsiylə suallar ünvanlayan israilli əsgərlərə həddindən artıq sərt olmaları, heç birinə mərhəmət etməmələri lazım olduğu cavabı verilir. İsrail qəzetləri, xaxamların bu vəhşi fətvalarını işıqlandırır.

İsrailin Qəzzaya hücumlarından sonra hərbi xaxamların ordunun əməliyyatlarında əhəmiyyətli rol sahibi olmasının ortaya çıxması, böyük etirazlara səbəb olmuşdu. İsrailin, xüsusilə insan haqqları təşkilatları tərəfindən həddindən artıq qınanan hərəkətlərinin başında isə fələstinli vətəndaşları qalxan kimi istifadə etməsi gəlir. İsrailli əsgərlər, qadınları və uşaqları öldürmək üçün bu xaxamların fətvalarından dəstək alırlarmış. Hərbçi xaxamlar, istər yəhudi dini saytlarında, istərsə də çap məhsulları vasitəsilə yəhudi olmayanlara qarşı hər cür vəhşiliyi caiz hesab edirlər. İsrailli əsgərlərin fələstinli vətəndaşlarla qarşılaşdıqda nə edəcəklərinə dair soruşduqları suallara verdikləri ən məşhur cavab isə belədir: "Səni öldürmədən əvvəl, sən onu öldür".

"Səni öldürmədən əvvəl ərəbi öldür... Yəhudi olmayanla vəhşi davran... Qadınları və uşaqları öldür... Bütün qəzzslılara və fələstinlilərə ölüm..."

Bu, işğalçı ordu daxilindəki xaxamlar tərəfindən nümayiş olunan fətvalardan bir nümunədir. Belə ki, son zamanlar işğalçı əsgərlərin hərəkətlərində bu fətvalar böyük rol oynayır. Bunun son nümunəsi də Qəzzaya qarşı təşkil edilən müharibədə açıq-aydın göründü.

İsrail Müdafiə Nazirliyinin verdiyi məlumata görə, orduda dini fəaliyyətlərin tətbiq olunmasında məsul heyət hərbçi  xaxamlardan ibarətdir.

Vəhşi fətvalar

İsrail ordusu mənsublarına köməklik edən hərbçi xaxamların tətbiq etdikləri ilk məsələ "özündən başqalarına qarşı vəhşi davran". Yəni yəhudilərdən başqa digər millətlər və qruplarla. İsrail mediası Qəzza döyüşü başa çatan kimi general Rontescinin döyüş əsnasında payladığı broşuraları ortaya çıxardı. Rontesci bu broşuralarda əsgərləri vətəndaşlara mərhəmət etməməyə çağırır, yəhudi olmayanlara qarşı vəhşi davranmağa, qadın və uşaqların öldürülməsinə təşviq edirdi.

Hərbçi xaxamlar həmçinin işğal altındakı Qüdsdəki radikal Attiyrat Kohnim məktəbi direktorunun fətvasını da paylamışdı. Bu fətvada da yəhudilərin qadın və uşaqların öldürülməsini onlara Tövratın əmr etdiyini söylənilirdi.

Qalxan üsulu

İsrail Ordusunun tətbiqlərindən ən çox tənqid olunan əməllərdən biri də qalxan üsuludur. Bu üsulda əsas məqsəd İsrail əsgərlərinin fələstinli vətəndaşları, fələstinli silahlıları tutmaq üçün canlı qalxan olaraq istifadə etməsidir.

Yəhudi dini saytı olan www.daat.co.il -də, bir İsrail əsgəri, hərbçi xaxamlardan birinə Qəzza müharibəsindən sonra  tənqidə məruz qalan bu üsulun dini və qanuni etibarlılığını soruşub. Cavab belə olub; "Əsgərlərimizin özlərindən olmayan bir şəxsin (yəhudi olmayan) həyatını qurtarmaq üçün həyatını təhlükəyə atmasının dini, ya da qanuni heç bir dayağı yoxdur. Bu şəxs istər əməliyyatda iştirak etsin, istər də girov olsun.".

Hərbçi xaxamlar sivil vətəndaş olsa, təhlükə törətməsə belə, hər bir vəziyyətdə ərəbi öldürmək üçün də saxta bir səbəb tapıblar. Yenə www.daat.co.il saytında israilli bir əsgər, xaxama Talmudda yazılan; "Səni öldürməyə gəlibsə, sən əvvəl hərəkət et və onu öldür" kəlməsi haqqında fikirini soruşub. Xaxam belə cavab verib: "Təbii ki, bu qanunda göstərilən ibarə çox açıq bir qanundur. Kim səni öldürməyə niyyət etsə, sən onu öldürməkdə ondan əvvəl davran və ondan xilas ol. Bu sözün mənası belədir, yəni, əgər əlində silah, ya da bıçaq olan bir oğru görmüsənsə, səni öldürmədən əvvəl sən onu öldür. Eyni şəkildə, bir ərəb görsən və onun silah, ya da partlayıcı maddə daşıdığından şübhə etsən, öz canını və yəhudi qardaşlarının canlarını təhlükəyə atma. Əgər sən mövqeyə hakimsənsə, özünü də bizi də rahatlaşdır. Ayrıca bunu da bil ki, İsrail qanunu bu barədə yəhudi qanunuyla eynilik təşkil edir".

Eyni mövzuda başqa bir əsgərin; "Yəhudilərin günahsızları öldürmələri mübahdırmı(düzgündürmü)? Fələstinlilərlə buna bənzər bir vəziyyətdə qarşılaşsam, nə etməliyəm?" - sualına bir xaxam bu şəkildə cavab verib: "Döyüş zamanı oyunun qaydaları dəyişir. Ya həddindən artıq yavaş olsan öldürülərsən, ya da öldürərsən. Talmud qanunlarında "kim səni öldürməyə gəlirsə, əvvəl davran və öldür" ibarəsi yazılıb".

1973 ili döyüşündə İsrail Ordusu Mərkəzi Qərargahındakı xaxamlardan olan A.Friedman tərəfindən hazırlanmış kitabçada ərəblərə qarşı hansı şərtdə olursa olsun; mədəni təəssürat oyandırsalar belə, etibar edilməməsi lazım olduğu, döyüşdə düşmənə hücum edərkən yaxşı vətəndaşların (yəni yaxşı görünən vətəndaşlar) belə öldürülə biləcəyi ifadələrini işlədib.

Əli Hüseynli