Xəbər Lenti

Sorğu

İnfografika

Arxiv

Yazar

14 Fevral

2014
14:49
1879
“Azərbaycanda tanınmış qəzet rəhbərləri pulla alınıb”
Aslan İsmayılov: “Hal-hazırda tanınmış qəzetlər içində bir dənə “Azadlıq”dır ki, onu da hər tərəfdən boğurlar”

“Sərhədsiz Reportyorlar” beynəlxalq mətbuatı müdafiə təşkilatı dünyada mətbuat azadlığının illik indeksini açıqlayıb. Media azadlığı indeksində 180 ölkə arasında Azərbaycan 160-cı yerdə dayanır. Təşkilat  vurğulayıb ki, bu ölkədə jurnalistlərin və blogerlərin həbsinin artdığı şəraitdə media plüralizmi təhlükə altındadır. Telekanallar nəzarət altındadır, əsas xarici radiolar qadağan edilib, əsas müxalifət qəzeti iqtisadi cəhətdən “son nəfəsini” verir. Azərbaycan ötən il “Sərhədsiz reportyorlar”ın reytinqində 156-cı olub. Ermənistan siyahıda 78-ci, Gürcüstan 84-cüdür. 

Sözügedən siyahının obyektivliyi ilə bağlı FaktXeber.com-a açıqlama verən hüquq müdafiəçisi, tanınmış vəkil Aslan İsmayılov maraqlı fikirlər səsləndirdi. 

Müsahibin sözlərinə görə, Azərbaycanda mətbuata basqının olması göz qabağındadır: “Bu basqı əvvəlki illərdə olduğu kimi kobudcasına həyata keçirilmir. Azərbaycanın aparıcı telekanalları arasında bir dənə də olsun sərbəst telekanal yoxdur. ANS telekanalı vaxtı ilə az-çox sərbəst idi ki, onu da boğdular. Qəzetlər içində isə tanınmış qəzetlərin başçılarını pulla ələ alaraq problemi həll etdilər. Hal-hazırda tanınmış qəzetlər içində bir dənə “Azadlıq”dır ki, onu da hər tərəfdən boğurlar. Bu baxımdan Azərbaycanda mətbuatın boğulmasına dair səsləndirilən fikirlərin hamısı doğrudur.”      

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-12-2017 14:03

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru